Welcome PradhiKarthik: இராமநாதபுரம்
Showing posts with label இராமநாதபுரம். Show all posts
Showing posts with label இராமநாதபுரம். Show all posts

Friday, May 31, 2013

கச்சத்தீவு அருகே இலங்கை போர் கப்பல்கள் நிறுத்தம்: மீனவர்களுக்கு பாதுகாப்பு வழங்க கோரிக்கை

கச்சத்தீவு அருகே இலங்கை போர் கப்பல்கள் நிறுத்தம்: 
மீனவர்களுக்கு பாதுகாப்பு வழங்க கோரிக்கை


ராமேசுவரம், மே. 31:

மீன்களின் இனப்பெருக்க காலமான ஒவ்வொரு ஆண்டும் ஏப்ரல் 15-ம் தேதி முதல் மே 29-ந்தேதி வரை மீன்பிடிக்க தொடர்ந்து 45 நாட்கள் தடை விதிக்கப்படுவது வழக்கம். இந்த ஆண்டும் மீன்பிடிக்க தடைகாலம் முடிந்து தமிழகத்தில் பல மாவட்டங்களில் நேற்று மீனவர்கள் கடலுக்கு மீன் பிடிக்க சென்றனர். 

ராமேசுவரம் மீனவர்கள் நாளை (1-ந்தேதி) அதிகாலை முதல் மீன்பிடி டோக்கன் பெற்று செல்ல உள்ளனர். இந்த நிலையில் இலங்கை ராணுவம் கச்சத்தீவு அருகே தமிழக மீனவர்கள் யாரும் மீன்பிடிக்க வந்து விடாதபடி கச்சத்தீவை சுற்றியுள்ள பகுதியில் 7 கடற்படை ரோந்து கப்பல்களையும், 9 குட்டி ரோந்து கப்பல்களை நிறுத்தி உள்ளது. 

மேலும் கச்சத்தீவு எல்லையை குறிக்கும் வகையில் மிதவை பலூன்களையும் கடலில் மிதக்க விட்டுள்ளனர். நேற்று பாம்பனில் இருந்து மீன்பிடிக்க சென்ற நாட்டுப்படகு மீனவர்களை இலங்கை கடற்படையினர் இங்கு மீன் பிடிக்க வரக் கூடாது என எச்சரித்து விரட்டினர். உயிருக்கு பயந்து கரை திரும்பிய 

நாட்டுப்படகு மீனவர்கள் கூறியதாவது:- 

கச்சத்தீவு அருகே இதுவரை எப்போதும் இல்லாத வகையில் தற்போது இலங்கை அரசு போர்க்கப்பல்களை நிறுத்தி உள்ளது. இதனால் மீனவர்களுக்கு பெரும் அச்சத்தை ஏற்படுத்தியுள்ளது என்றனர். 

இது குறித்து ராமேசுவரம் மீனவர்கள் சங்க தலைவர் தேவதாஸ் கூறியதாவது:- 

தடைக்காலம் முடிந்து நாளை முதல் மீனவர்கள் கடலுக்கு மீன்பிடிக்க செல்ல உள்ளனர். அதிக மீன்கள் கிடைக்கும் என்ற மகிழ்ச்சியில் உள்ளனர். இந்த நிலையில் கச்சத்தீவு அருகே இலங்கை போர்க்கப்பல்கள் நிறுத்தப்பட்டுள்ள தகவல் அறிந்து கவலை அடைந்துள்ளோம். நாங்கள் பாரம்பரியமாக மீன்பிடிக்கும் இடத்தில்தான் மீன்பிடிப்போம். 

எல்லை தாண்டமாட்டோம். போர்க் கப்பல்கள் நிறுத்தப்பட்டுள்ளதால் மீனவர்கள் அச்சம் அடைந்துள்ளனர். பலமுறை இலங்கை கடற்படையினர் ராமேசுவரம் மீனவர்களை தாக்குவதும், விரட்டுவதும், கடத்தி செல்லுவதும் வழக்கம். இப்போது போர்க்கப்பல்கள் நிறுத்தப்பட்டுள்ளதால் ராமேசுவரம் மீனவர்களுக்கு மத்திய அரசு உரிய பாதுகாப்பு வழங்க வேண்டும். 
இவ்வாறு அவர் கூறினார். 

மீனவர் சங்க தலைவர் மெரிட் கூறும்போது, மீனவர்கள் தடை செய்யப்பட்ட வலைகளை வைத்து மீன்பிடிக்க கூடாது. மீனவர்கள் கட்டுப்பாட்டுடன் செயல்பட வேண்டும். மீனவர்கள் அப்பாவிகள். அவர்கள் தாக்கப்படுவது வேதனை அளிக்கிறது. கச்சத்தீவு அருகே இலங்கை போர்க்கப்பல்கள் நிறுத்தப்பட்டுள்ளதால் தமிழக மீனவர்களுக்கு பாதுகாப்பு வழங்க வேண்டும். 
இவ்வாறு அவர் கூறினார். 

மீனவர் சங்க தலைவர் போஸ் கூறும்போது, கச்சத் தீவு அருகே போர்க்கப்பல்கள் நிறுத்தப்பட்டுள்ளதாக நாட்டுப்படகு மீனவர்கள் தெரிவித்துள்ளனர். இருப்பினும் மீன்பிடிக்க செல்லும் மீனவர்களுக்கு உரிய பாதுகாப்பு வழங்க மத்திய அரசு நடவடிக்கை எடுக்க வேண்டும் என்றார்.

Thursday, May 30, 2013

இராமநாதபுரம் மாவட்டத்தில் 6 இடங்களில் ஒரு கிலோ அரிசி ரூபாய் 20-க்கு விற்பனை

இராமநாதபுரம் மாவட்டத்தில் 6 இடங்களில் 
ஒரு கிலோ அரிசி ரூபாய் 20-க்கு விற்பனை


இராமநாதபுரம், மே. 30:

ராமநாதபுரம் மாவட்டத்தில் 6 இடங்களில் ஒரு கிலோ அரிசி ரூ.20-க்கு விற்பனை செய்யப்படுகிறது. வெளிச்சந்தையில் அரிசியின் விலையை கட்டுப்படுத்தும் நோக்கத்துடன் தமிழக முதல்-அமைச்சர் 17.4.2013 அன்று தொடங்கி வைக்கப்பட்டு செயல்படுத்தப்பட்டு வரும் ஒரு கிலோ அரிசி ரூ.20-க்கு விற்பனை செய்யும் திட்டம் ராமநாதபுரம் மாவட்டத்தில் 6 இடங்களில் செயல்படுத்தப்பட்டு வருகிறது.

இன்படி

                 இராமநாதபுரத்தில் அகில் கிடங்கு தெருவில் உள்ள சிறப்பு சிற்றங்காடி,      

               பரமக்குடியில் மதுரை ராமேசுவரம் சாலையில் உள்ள எமனேஸ்வரம் மக்கள் அங்காடியிலும், 

            கமுதி முஸ்லீம் பஜார் சில்லரை விற்பனை கிளையிலும், 

சாயல்குடியில் அருப்புக்கோட்டை மெயின்ரோட்டில் உள்ள சில்லரை விற்பனை கிளையிலும், 

ராமேசுவரம் சித்தி விநாயகர் கோவில் தெருவில் உள்ள சிறப்பு சிற்றங்காடியிலும் 


அரிசி விற்பனை செய்யப்பட்டு வருகிறது. இத்திட்டம் மக்கள் மத்தியில் அமோக வரவேற்பை பெற்றுள்ளது.

தற்பொழுது புதிய ஏ.டி.டி. 36 என்ற சன்னரக அரிசி வெண்புழுங்கல் கல் குருணை நீக்கப்பட்டது மற்றும் பஞ்சாப் பரிமல் பச்சரிசி ஆகிய தரமான அரிசி அங்காடிகளில் விற்பனைக்கு வைக்கப்பட்டுள்ளது. குறைந்த விலையில் தரம் நிறைந்த அரிசியினை பொதுமக்கள் வாங்கி பயன்பெறுமாறு மாவட்ட கலெக்டர் நந்தகுமார் கேட்டு கொண்டுள்ளார்.

Wednesday, May 29, 2013

ராமநாதபுரத்தில் காப்பர் கம்பிகள் திருடிய 4 வாலிபர்கள் கைது

ராமநாதபுரத்தில் காப்பர் கம்பிகள் திருடிய 4 வாலிபர்கள் கைது


ராமநாதபுரம், மே. 29:

ராமநாதபுரம் பாரதி நகரில் தனியார் பள்ளிக் கூடம் ஒன்று உள்ளது. இதன் அருகில் செல்போன் டவர் உள்ளது. இங்கு தரையில் புதைக்கப்பட்டு இருந்த காப்பர் கம்பியை 4 பேர் கொண்ட கும்பல் தோண்டி எடுக்க முயன்றது. 

இது பற்றிய தகவல் கேணிக்கரை போலீசாருக்கு தெரியவந்தது. உடனே சப்-இன்ஸ்பெக்டர் ஜெயபாலன் மற்றும் போலீசார் விரைந்து சென்று 4 பேரையும் மடக்கி பிடித்தனர். 

விசாரணையில் அவர்கள் ராமநாதபுரம் கே.கே.நகரை சேர்ந்த ராஜ்குமார் (வயது23), அசரப் அலி (19), ரூபன்தாஸ் (19), ஹரிகரசுதன் (17) என்பது தெரியவந்தது. போலீசார் 4 பேரையும் கைது செய்தனர். 

அவர்களிடம் விசாரணை நடத்தியபோது இவர்கள் ஏற்கனவே அந்த பகுதியில் 2 செல்போன் டவர்களிலும் ஓம்சக்தி நகரில் ஒரு மாவு மில்லில் இருந்தும் காப்பர் கம்பிகள் திருடியது தெரிய வந்தது. தொடர்ந்து போலீசார் விசாரணை நடத்தி வருகிறார்கள்.

Tuesday, May 28, 2013

மண்டபம் அருகே 40 கிலோ கஞ்சாவுடன் பெண்கள் உள்பட 4 பேர் கைது

மண்டபம் அருகே 40 கிலோ கஞ்சாவுடன் பெண்கள் உள்பட 4 பேர் கைது

ராமநாதபுரம், மே. 28:

ராமநாதபுரம் மாவட்டம் மண்டபம் போலீசாருக்கு சுந்தரமுடைமாள் பஸ் நிலையத்தில் ரகசியமாக கஞ்சா விற்கப்படுவதாக தகவல் கிடைத்தது. உடனே இன்ஸ்பெக்டர் ஜோசப் செல்வராஜ் மற்றும் போலீசார் சம்பவ இடத்துக்கு விரைந்து சென்றனர். அப்போது 2 பெண்கள் உள்பட 4 பேர் பைகளுடன் நின்று கொண்டு இருந்தனர்.

சந்தேகம் அடைந்த போலீசார் 4 பேரையும் மடக்கி பிடித்து பைகளை சோதனை செய்தனர். அப்போது கஞ்சா இருந்தது கண்டுபிடிக்கப்பட்டது. போலீஸ் விசாரணையில் அவர்கள் உசிலம்பட்டியை சேர்ந்த ராக்கம்மாள், கார்த்திகாதேவி, ராமநாதபுரத்தை சேர்ந்த சாரதி, ஜெயசீலன் என்பது தெரியவந்தது. இவர்கள் கஞ்சாவை பதுக்கி வைத்து விற்பனை செய்து வந்தது தெரியவந்தது.

போலீசார் பெண்கள் உள்பட 4 பேரையும் கைது செய்தனர். அவர்களிடம் இருந்து 40 கிலோ கஞ்சாவும் பறிமுதல் செய்யப்பட்டது.

கீழக்கரை முகமது சதக் பொறியியல் கல்லூரியில் 25-வது பட்டமளிப்பு விழா

கீழக்கரை 
முகமது சதக் பொறியியல் கல்லூரியில் 
25-வது பட்டமளிப்பு விழா


ராமநாதபுரம்:

கீழக்கரை முகமது சதக் பொறியியல் கல்லூரியில் பட்டமளிப்பு விழாவில் மாணவ- மாணவிகள் பட்டங்களை பெற்றுக் கொண்டனர்.

கீழக்கரை முகம்மது சதக் பொறியியல் கல்லூரியின் 25-வது பட்டமளிப்பு விழா கல்லூரி தலைவர் ஹமீது அப்துல் காதர் தலைமையிலும், கல்லூரி செயலாளர் யூசுப், கல்லூரி இயக்குநர் ஹபீப் முகம்மது சதக்கத்துல்லா முன்னிலையிலும் நடை பெற்றது. விழாவில் பொறியியல், மற்றும் நிர்வாக மேலாண்மை படிப்பில் படித்து பட்டம் பெற்ற 553 மாணவர்களுக்கு பட்டம் வழங்கப்பட்டது.

கல்லூரி முதல்வர் முகம்மது ஜஹாபர் கல்லூரியின் ஆண்டறிக்கையை வாசித்தார். விழாவில் சிறப்பு விருந்தினராக பாரதிய நபீக்கிய வித்யூத் நிகாம் லிமிடெட்டின் தலைவர் மற்றும் நிர்வாக இயக்குநர் பிரபாத்குமார் பங்கேற்று பட்டங்களை வழங்கி பேசினார்.

அவர் பேசியதாவது:-

பொறியியல் படிப்பை முடித்த பொறியாளர்களுக்கு தாங்கள் முன்னேறுவதற்கும் தங்களுடைய தனித்திறமை யையும் வெளிப்படுத்தவும் இது சரியான நேரம். தாங்கள் படித்த படிப்பை சமுதாயத்திற்கு உதவுவதற்கு மாற்றக்கூடிய வகையில் செய்வதற்குரிய வாய்ப்பும் அதிர்ஷ்டத்தையும் பெற்றிருக் கின்றீர்கள். இன்று பொறியியல் மாண வர்கள் சாதனை புரிவதற்கு ஏராளமான துறைகள் இருக்கின்றது.

அவற்றில் நீங்கள் சரியான துறையை தேர்ந்தெடுத்து, அதனை ஈடுபாட்டுடன் செய்யும் பொழுது உங்களுக்கு மிகுந்த மகிழ்ச்சியை கொடுக்கும். எண்ணங்களை மேம்படுத்தி சரியான முறையில் சிந்தனை செய்தால் நீங்கள் தேர்ந்தெடுத்த துறையில் சாதனைகளை புரியலாம். இந்திய பொறியியல் வல்லுநர்கள் இன்று உலக அரங்கில் எல்லா நாடுகளிலும் வரவேற்கப்பட்டு மதிப்புடன் நடத்தப்படுகின்றார்கள்.

உங்களுடைய திறமைகளை உள்கட்டமைப்பு, நீர் ஆதாரம் மற்றும் மின்சாரம் நிர் வாகம் பகிர்ந்தளிப்பில் பொறியியல் மாணவர்கள் தங்களுடைய திறமைகளை காட்டுவதற்கு சரியான நேரம். ஒவ்வொரு நாளும் அதிகமாகிக்கொண்டே வரும் மின்சாரத் தேவையினை பூர்த்தி செய்வது இன்றைய பொறியியல் மாணவர்களின் கடமையாகும். உங்கள் முன்னேற்றத்திற்கு உதவிய பேராசிரியர்கள் மற்றும் கல்லூரியையும் மறக்கக்கூடாது. உங்களுடைய பெற்றோர்கள் கஷ்டத்தோடு உங்களை ஆளாக்கியிருக்கின்றார்கள்.

நீங்கள் உங்களுடைய பெற்றோர்களை எப்போதும் மறக்கக்கூடாது. அத்துடன் நில்லாமல் உங்களை ஆளாக்கிய சமுதாயத்திற்கும் ஏழை மக்களுக்கும் உதவி செய்ய வேண்டும்.

இவ்வாறு அவர் பேசினார்.

ஏர்வாடி தர்காவுக்கு சுற்றுலா வந்த வேன் கவிழ்ந்து 2 பேர் பலி

ஏர்வாடி தர்காவுக்கு சுற்றுலா வந்த வேன் கவிழ்ந்து 2 பேர் பலி


ராமநாதபுரம், மே. 28:

கேரள மாநிலம் கொல்லத்தை சேர்ந்தவர் கோபிநாத் செட்டியார் (வயது47). இவர் தலைமையில் அந்த பகுதியை சேர்ந்த 22 பேர் ஒரு வேனில் ராமநாதபுரம் மாவட்டம் ஏர்வாடி தர்காவுக்கு சுற்றுலா புறப்பட்டனர். வேனை மோகனா பிள்ளை (51) ஓட்டி வந்தார். 

இன்று அதிகாலை 5 மணி அளவில் வேன் ஏர்வாடி அருகே உள்ள இதம்பாடல் என்ற இடத்தில் வந்து கொண்டு இருந்தது. அப்போது டிரைவர் மோகனா பிள்ளை கண் அயர்ந்ததாக தெரிகிறது. இதனால் வேன் தாறுமாறாக ஓடி ரோட்டில் கவிழ்ந்தது. 

வேன் கவிழ்ந்ததில் உள்ளே இருந்தவர்கள் கூச்சல் போட்டு அலறினர். இந்த விபத்தில் டிரைவர் மோகனபிள்ளை அதே இடத்தில் உடல் நசுங்கி பலியானார். மேலும் இந்த விபத்தில் கோபிநாத் செட்டியார், ரஜினி (18), சுனில்குமார், அர்ச்சுணன் உள்பட 13 பேர் படுகாயம் அடைந்தனர். 

அவர்கள் உடனடியாக 108 ஆம்புலன் சில் ராமநாதபுரம் அரசு ஆஸ்பத்திரிக்கு அனுப்பி வைக்கப்பட்டனர். அங்கு சிகிச்சை பலன் அளிக்காமல் கோபிநாத் செட்டியார் பரிதாபமாக இறந்தார். மற்றவர்களுக்கு தொடர்ந்து சிகிச்சை அளிக்கப்பட்டு வருகிறது. 

இந்த விபத்து குறித்து தகவல் அறிந்ததும் சிக்கல் இன்ஸ்பெக்டர்கள் துரை, மகேஸ்வரி, கீழக்கரை டி.எஸ்.பி சேர்மசேகர் ஆகியோர் விரைந்து சென்று மீட்பு பணியில் ஈடுபட்டு போக்குவரத்தை சீர் செய்தனர்.  

Monday, May 27, 2013

ஊர்க்காவல் படை சார்பில் ரத்த தான முகாம்: போலீஸ் சூப்பிரண்டு தொடங்கி வைத்தார்

ஊர்க்காவல் படை சார்பில் ரத்த தான முகாம்: 
போலீஸ் சூப்பிரண்டு தொடங்கி வைத்தார்


இராமநாதபுரம்:

இராமநாதபுரம் மாவட்ட ஊர்க்காவல்படை சார்பில் ரத்த தான முகாம் ஆயுதப்படை மைதானத்தில் நடை பெற்றது. நிகழ்ச்சிக்கு போலீஸ் சூப்பிரண்டு மயில்வாகனன் தலைமை தாங்கினார்.

ஆயுதப்படை துணை போலீஸ் சூப்பிரண்டு தண்டீ சுவரன், அரசு ஆஸ்பத்திரி ரத்த வங்கி அலுவலர் டாக்டர் கருப்பசாமி ஆகியோர் முன்னிலை வகித்தனர். ரத்த தான ஒருங்கிணைப்பாளர் அய்யப்பன் வரவேற்று பேசினார்.

முகாமை மாவட்ட போலீஸ் சூப்பிரண்டு மயில்வாகனன் தொடங்கி வைத்து பேசியதாவது:-

உயிருக்கு ஆபத்தான வேளையில் ஒருவருக்கு ரத்த தானம் செய்வது மிகவும் உயர்ந்த செயலாகும். ரத்த தானம் என்பது பெரும்பாலும் யாருக்கும் அதன் மகத்துவம், முக்கியத்துவம் தெரியாது. ஆனால் தங்கள் குடும்பத் திலோ, உறவினர் வகையிலோ யாருக்காவது பாதிப்பு ஏற்படும் போது தான் ரத்தத்தின் அவசியமும், அதை அளிப்பவரின் உதவும் தன்மையும் தெரியவரும்.

ஒவ்வொரு மனிதனின் உடலிலும் 5 முதல் 6 லிட்டர் வரை ரத்தம் உள்ளது. இதில் ரத்த தானத்தின் போது வெறும் 250 மில்லி தான் வழங்குகிறோம். எனவே அனைவரும் தாமாக முன் வந்து ரத்த தானம் செய்ய வேண்டும். 

இவ்வாறு அவர் பேசினார்.

நிகழ்ச்சியில் ஆயுதப்படை போலீஸ் இன்ஸ்பெக்டர் மோகன்குமார் உள்பட பலர் கலந்து கொண்டனர்.

Saturday, May 25, 2013

கடல் கொந்தளிப்பு - சூறாவளி காற்றால் பாம்பன் பாலத்தில் ரெயில்கள் ஊர்ந்து சென்றன

கடல் கொந்தளிப்பு - சூறாவளி காற்றால் பாம்பன் பாலத்தில் ரெயில்கள் ஊர்ந்து சென்றன


ராமேசுவரம், மே 25:

ராமநாதபுரம் மாவட்டம் பாம்பன் மற்றும் தனுஷ்கோடி பகுதிகளில் கடந்த 2 நாட்களாக காற்றின் வேகம் அதிகமாக உள்ளது. சூழன்று அடிக்கும் சூறாவளி காற்றின் காரணமாக கடல் அலைகளும் கடும் கொந்தளிப்பாக காணப்பட்டன. சுமார் 6 அடி உயரத்தில் கடல் அலைகள் எழுந்தன. இதில் சிக்கிதான் நேற்று 2 பேர் தனுஷ்கோடியில் உயிர் இழந்தனர் என்பது குறிப்பிடத்தக்கது. 

சூறாவளி காற்றின் காரணமாக சாலைகளில் வாகனங்களில் செல்வோரும் பாதிக்கப்பட்டனர். சாலையோரம் கிடந்த மணல் கண்களில் விழுந்ததில் இருசக்கர வாகனத்தில் சென்றவர்கள் அவதிக்குள்ளானார்கள். 

நேற்று மாலை காற்றின் வேகம் 50 கிலோ மீட்டர் அளவில் இருந்ததால் ரெயில் சேவையும் பாதிக்கப்பட்டது. ராமேசுவரத்தில் இருந்து சென்னை புறப்பட்ட ரெயில், மதுரை பாசஞ்சர் ரெயில் போன்றவை பாதுகாப்பு காரணமாக பாம்பன் ரெயில் நிலையத்திலேயே நிறுத்தப்பட்டன. 

சுமார் ஒரு மணி நேரம் நிறுத்தப்பட்ட ரெயில்கள் காற்றின் வேகம் குறைந்த பின்பு பாம்பன் பாலம் வழியே செல்ல அனுமதிக்கப்பட்டது. இருப்பினும் ரெயில்கள் ஊர்ந்த நிலைலேயே சென்றன. பாலத்தில் ரெயில்கள் சென்றபோது, பயணிகள் ஒருவித அச்ச உணர்வுடனேயே பயணித்தனர். 

சூறைக்காற்று காரணமாக ரெயில்கள் தாமதமாக இயக்கப்படுவது இதுவே முதல் முறை என்று கூறப்படுகிறது.

பரமக்குடி அருகே மின்சாரம் தாக்கி விவசாயி பலி

பரமக்குடி அருகே மின்சாரம் தாக்கி விவசாயி பலி


பரமக்குடி, மே 25:

பரமக்குடி அருகே உள்ள விளாத்தூர் கிராமத்தை சேர்ந்தவர் சாத்தப்பா. இவரது மகன் ராமர் (வயது 39). இவர் இன்று காலை அருகில் உள்ள தனது தென்னந்தோப்புக்கு சென்றார். 

அப்போது தென்னை மரங்களில் உள்ள தென்னை மட்டைகளை அகற்ற முடிவு செய்து அவர் தென்னை மரத்தில் ஏறினார். மரத்தில் ஏறி மட்டைகளை அகற்றிக் கொண்டிருந்த போது எதிர்பாராதவிதமாக அந்த வழியாக சென்ற மின்கம்பி ராமர் மீது உரசியது. இதில் மின்சாரம் தாக்கி மரத்திலேயே ராமர் துடிதுடித்து இறந்தார். 

இதுகுறித்து அக்கம் பக்கத்தினர் தீயணைப்பு துறையினருக்கும், போலீசாருக்கும் தகவல் தெரிவித்தனர். விரைந்து வந்த அவர்கள் போராடி மரத்தில் சிக்கியிருந்த ராமரின் உடலை கீழே இறக்கினர். பின்னர் பிரேத பரிசோதனைக்காக ராமநாதபுரம் அரசு ஆஸ்பத்திரிக்கு ராமர் உடல் கொண்டு செல்லப்பட்டது. 

இந்த சம்பவம் குறித்து எமனேஸ்வரம் போலீஸ் சப்-இன்ஸ்பெக்டர் பாலு வழக்குபதிவு செய்து விசாரித்து வருகிறார். இறந்த ராமருக்கு 2 பெண் குழந்தைகள் உள்ளனர்.

பெண்ணை தாக்கி 5 பவுன் செயின் பறிப்பு: மோட்டார் சைக்கிளில் வந்த வாலிபர்கள் அட்டகாசம்

பெண்ணை தாக்கி 5 பவுன் செயின் பறிப்பு: மோட்டார் சைக்கிளில் வந்த வாலிபர்கள் அட்டகாசம்


ராமநாதபுரம், மே. 25:

ராமநாதபுரம் ஓம்சக்தி நகர் பகுதி வைகை நகர் தங்கப்ப புரத்தை சேர்ந்தவர் ராமலிங்கம். இவரது மனைவி காஞ்சனாதேவி (வயது 53). இவர் நேற்று மாலை வைகாசி விசாகத்தையொட்டி அங்குள்ள விநாயகர் கோவிலுக்கு சென்று சாமி கும்பிட்டுவிட்டு வீடு திரும்பிக் கொண்டிருந்தார்.

ஓம்சக்தி நகர் வடக்கு பிள்ளையார் கோவில் அருகே வந்தபோது மோட்டார் சைக்கிளில் வந்த இரண்டு வாலிபர்கள் காஞ்சனாதேவியை கீழே தள்ளி அவர் அணிந்திருந்த நகையை பறிக்க முயற்சித்தனர். அப்போது காஞ்சனா தேவி அவர்களுடன் சண்டைபோட்டார். இதில் 5 பவுன் நகை வாலிபர்கள் கையில் சிக்கிக் கொண்டது. 2 பவுன் நகை காஞ்சனா தேவி கையில் சிக்கிக் கொண்டது. நகையை பறித்த மோட்டார் சைக்கிள் வாலிபர்கள் அங்கிருந்து தப்பி சென்றனர்.

இதுகுறித்து கேணிக்கரை போலீசில் காஞ்சனாதேவி புகார் செய்தார். புகாரின் பேரில் போலீசார் வழக்கு பதிவு செய்து மோட்டார் சைக்கிளில் வந்த வாலிபர்களை தேடி வருகின்றனர்.

Friday, May 24, 2013

தனுஷ்கோடி கடலில் மூழ்கி 2 பேர் பலி

தனுஷ்கோடி கடலில் மூழ்கி 2 பேர் பலி



ராமேசுவரம், மே. 24:

திண்டுக்கல் மாவட்டம் வத்தலக்குண்டை சேர்ந்தவர் ரமேஷ், கோழிக்கடை அதிபர். இவரது தந்தை இறந்துவிட்டார். இதனை தொடர்ந்து தந்தைக்கு திதி கொடுக்க ரமேஷ் ஒரு காரில் ராமேசுவரம் சென்றார். அவருடன் நாகேந்திரன் உள்பட 4 பேர் சென்றனர். இன்று காலை அவர்கள் தனுஷ்கோடி கடல் அருகே உள்ள அரிச்சமுனைக்கு சென்றனர்.

அங்கு ரமேஷ் தனது தந்தைக்கு திதி கொடுத்தார். பின்னர் ரமேஷ், நாகேந்திரன் ஆகியோர் கடலுக்கு குளிக்க சென்றனர். அவர்கள் கடலில் குளித்து கொண்டு இருந்தபோது `திடீர்' என்று பேரலை வந்தது. இதில் ரமேஷ், நாகேந்திரன் சிக்கினர். அவர்களை கடல் அலை உள்ளே இழுத்து சென்றது.

இதை கரையில் இருந்து பார்த்த நண்பர்கள் கூச்சல் போட்டு அலறினர். சிறிது நேரத்தில் கடல் அலையில் சிக்கி ரமேஷ், நாகேந்திரன் ஆகியோர் பரிதாபமாக இறந்தனர். இது குறித்து ராமேசுவரம் போலீசாருக்கு தகவல் தெரிவிக்கப்பட்டது. உடனே சம்பவ இடத்திற்கு போலீசார் மற்றும் தீயணைப்பு வீரர்கள் விரைந்து சென்று கடலில் மூழ்கி இறந்த 2 பேரின் உடல்களை மீட்டனர்.

பின்னர் உடல்கள் ராமேசுவரம் அரசு ஆஸ்பத்திரிக்கு அனுப்பி வைத்து விசாரணை நடத்தி வருகிறார்கள். கடல் அலையில் சிக்கி 2 பேர் இறந்த சம்பவம் தனுஷ்கோடி பகுதியில் பெரும் பரபரப்பை ஏற்படுத்தியுள்ளது. 

விவாகரத்து செய்த மனைவியை தாக்கிய முன்னாள் கணவர் கைது

விவாகரத்து செய்த மனைவியை தாக்கிய முன்னாள் கணவர் கைது

ராமநாதபுரம்:
ராமநாதபுரம் அருகே விவாகரத்து செய்த மனைவியை தாக்கிய முன்னாள் கணவர் கைது செய்யப்பட்டார்.

ராமநாதபுரம் கரியகாளியம்மன் கோவில் தெருவை சேர்ந்தவர் மணிமேகலை (வயது 31). இவரது கணவர் சீனிவாசன். திருமணமாகி குழந்தைகள் உள்ளனர். மணிமேகலை விவாகரத்து பெற்று குழந்தைகளுடன் தனியாக வசித்து வந்தார்.

இந்நிலையில் கடந்த 14-ம் தேதி மணிமேகலை வீட்டிற்கு சென்று சீனிவாசன் குழந்தை மற்றும் மணிமேகலையை தாக்கியுள்ளார். நேற்று முன்தினமும் மறுபடியும் மணிமேகலை வீட்டிற்கு சென்று சீனிவாசன் தாக்கியுள்ளார்.

இதனையடுத்து மாஜி கணவர் சீனிவாசன் மீது மணிமேகலை ராமநாதபுரம் பஜார் போலீசில் புகார் தெரிவித்தார். புகாரின் பேரில் சீனிவாசனை போலீசார் கைது செய்தனர்.

செய்யது அம்மாள் கல்லூரி மாணவ-மாணவிகளுக்கு பணி நியமன உத்தரவு

செய்யது அம்மாள் கல்லூரி மாணவ-மாணவிகளுக்கு பணி நியமன உத்தரவு


ராமநாதபுரம்:

ராமநாதபுரம் செய்யது அம்மாள் கலை மற்றும் அறிவியல் கல்லூரி மாணவ-மாணவிகளுக்கு பணி நியமன உத்தரவு வழங்கப்பட்டது.

ராமநாதபுரம் செய்யது அம்மாள் கலை மற்றும் அறிவியல் கல்லூரி மாணவ-மாணவிகளுக்கு நடந்த வேலைவாய்ப்பு வளாகத்தேர்வில் 25 பேர் தேர்ச்சிபெற்றனர். அவர்களுக்கு பணிநியமன உத்தரவு வழங்கும் நிகழ்ச்சி கல்லூரி முதல்வர் அமானுல்லா ஹமீது தலைமையில் நடந்தது. செய்யது அம்மாள் அறக்கட்டளை உறுப்பினர் செல்லத்துரை அப்துல்லா முன்னிலை வகித்தார்.

இதில் கல்லூரி தாளாளர் பாபு அப்துல்லா, அழகப்பா பல்கலைக்கழக பேராசிரியர்கள் கணேசமூர்த்தி, சுப்பையா ஆகியோர் மாணவர்களுக்கு பணிநியமன ஆணை வழங்கினார். ராஜாத்தி அப்துல்லா அனைவரையும் பாராட்டி பேசினார். நிகழ்ச்சிக்கான ஏற்பாடுகளை கல்லூரி நிர்வாக அலுவலர் சாகுல்அமீது, சபியுல்லா, மற்றும் அலுவலக பணியாளர்கள் செய்திருந்தனர்.

Wednesday, May 22, 2013

ராமநாதபுரத்தில் 90 கிலோ கடல் அட்டை பறிமுதல்: 2 பேர் கைது

ராமநாதபுரத்தில் 90 கிலோ கடல் அட்டை பறிமுதல்: 2 பேர் கைது


ராமநாதபுரம், மே. 22:

90 கிலோ கடல் அட்டையை கடத்த முயன்ற 2 பேரை போலீசார் கைது செய்தனர்.

ராமநாதபுரம் மாவட்டம், பனைக்குளம் கிருஷ்ணாபுரம் கடற்கரைப்பகுதியில் தமிழ்நாடு கடலோர பாதுகாப்பு படையினர், சப்-இன்ஸ்பெக்டர் பாலுசாமி தலைமையில் ரோந்து சென் னர். அப்போது சந்தேகத்தின் பேரில் 2 வாலிபர்களை பிடித்து விசாரித்தனர்.

விசாரணையில் அவர்கள் கடல் அட்டையை கடத்த முயற்சிப்பது தெரிய வந்தது. மேலும் மண்டபம் அருகே உள்ள வேதாளையை சேர்ந்த ஜெய்னுலாபுதீன் (வயது 55), முகமது தாரீப் (32) என்பது தெரிய வந்தது.

90 கிலோ கடல் அட்டை இவர்களிடம் இருந்து பறிமுதல் செய்யப்பட்டது. கைது செய்யப்பட்ட இருவரும் ராமநாதபுரம் வனச்சரக அலுவலர் கணேசனிடம் ஒப்படைக்கப்பட்டனர்.

பாம்பன் பாலம் அருகே வாலிபர் குத்திக்கொலை: போலீசார் விசாரணை

பாம்பன் பாலம் அருகே வாலிபர் குத்திக்கொலை: போலீசார் விசாரணை


பாம்பன் பாலம் அருகே வாலிபர் ஒருவர் குத்திக்கொலை செய்யப்பட்டார்.

ராமேசுவரம், பாம்பன் ரோடு பாலம் அருகே கடற்கரையில் வாலிபர் ஒருவர் குத்திக்கொலை செய்யப்பட்டு கிடந்தார். இது குறித்து பாம்பன் போலீசாருக்கு தகவல் கிடைத்து சம்பவ இடத்திற்கு சென்று வாலிபர் பிரேதத்தை கைப்பற்றி விசாரணை நடத்தினர்.

விசாரணையில் கொலை செய்யப்பட்டு கிடந்த வாலிபர் பாம்பன் பகுதியை சேர்ந்த அடைக்கலம் மகன் கிங்ஸ்டன் (வயது 26) என்பது தெரிய வந்தது மீனவரான கிங்ஸ்டனை கொலை செய்தது யார்? கொலை செய்யப்பட்டதற்கான காரணம் குறித்து பாம்பன் போலீசார் விசாரணை நடத்தி வருகின்றனர்.

வருகிற 3-ந்தேதி சூரிய மின்சக்தி பூங்கா பணிகளை முதல்-அமைச்சர் தொடங்கி வைக்கிறார்

வருகிற 3-ந்தேதி சூரிய மின்சக்தி பூங்கா பணிகளை முதல்-அமைச்சர் தொடங்கி வைக்கிறார்: அமைச்சர் தகவல்

பரமக்குடி:

பரமக்குடி அருகே ரூ. 920 கோடியில் சூரியமின்சக்தி பூங்கா பணிகளை வருகிற 3-ந்தேதி முதல்- அமைச்சர் திறந்து வைக்கிறார் என்று அமைச்சர் சுந்தர்ராஜ் கூறினார்.

பரமக்குடி தாலுகா போகலூர் ஊராட்சி ஒன்றியத்துக்கு உட்டபட்ட தெய்வேந்திர நல்லூர், குமுக்கோட்டை, செவ்வூர் ஆகிய ஊராட்சிகளில் 2 ஆயிரத்து 555 பேருக்கு தமிழக அரசின் விலையில்லா பொருட்கள் வழங்கும்விழா நடந்தது. ஆர்.டி.ஓ. குணாளன் தலைமை தாங்கினார். போகலூர் யூனியன் தலைவர் நாகநாதன் முன்னிலை வகித்தார். ஊராட்சி மன்ற தலைவர்கள் தெய்வேந்திர நல்லூர் விஜய ராகவன், குமுக்கோட்டை முத்தழகுமுத்து, மாவட்ட செயலாளர் முனியசாமி, ஊராட்சி குழு தலைவர் சுந்தர பாண்டியன் ஆகியோர் வாழ்த்தி பேசினர்.

விழாவில் அமைச்சர் சுந்தர்ராஜ் ரூ. 1 கோடியே 40 லட் சத்து 5 ஆயிரம் மதிப்பில் விலையில்லா பொருட்களை வழங்கி பேசியதாவது:-

ராமநாதபுரம் மாவட்டத்துக்கு வறட்சி நிவாரணமாக ரூ.131 கோடியை முதல்-அமைச்சர் வழங்கி உள்ளார். இது வங்கிகள் மூலம் விவசாயிகளுக்கு நேரடியாக வழங்கப்படும்.

மின்பற்றாக்குறையை போக்க பரமக்குடி தாலுகாவில் 200 பேருக்கு வேலைவாய்ப்பு கிடைக்கும் வகையில் 100 மெகாவாட் மின்சாரம் உற்பத்தி செய்யக்கூடிய சூரிய மின்சக்தி பூங்கா ரூ.920 கோடியில் அமைக்கப்பட உள்ளது. இதற்கான பணிகளை முதல்-அமைச்சர் ஜெயலலிதா ஜூன் மாதம் 3-ந்தேதி தொடங்கி வைக்கிறார்.

மேலும் மீன்களை பாதுகாப்பாக வைக்க மூக்கையூரில் துறைமுகமும், ரூ. 24 கோடியில் மீன்பதப்படுத்தும் தொழிற்சாலையும் அமைக்கப்பட உள்ளது. மழைநீர் வீணாக கடலில் கலப்பதை கடுக்கவும், அதை தேக்கி வைக்கவும், முதுகுளத்தூர், கடலாடி, கமுதி பகுதிகளுக்கு நீரை கொண்டு செல்ல ரூ.23 கோடியில் பரளை ஆறு தூர்வாரப்பட்டுள்ளது.

வறட்சியை தாங்கும் வகையில் ராமநாதபுரம் மாவட்டத்தில் 5 ஆயிரம் பண்ணை குட்டைகள் அமைக்கப்பட உள்ளன. கடல்நீரை குடிநீராக்கும் திட்டம் ரூ.424 கோடியில் செயல்படுத்தப் பட்டுள்ளன. தொலைநோக்கு சிந்தனையோடு திட்டங்களை தீட்டி செயல்படுத்தும் முதல்- அமைச்சர் ஜெயலலிதா தான். இந்தியாவில் உள்ள பல நிறுவனங்கள் ராமநாதபுரம் மாவட்டத்தில் வந்து தொழில் தொடங்க உள்ளன. அதன் மூலம் இந்த மாவட்டம் வளர்ச்சி பாதையை நோக்கி செல்லும். மக்களும் ஒற்றுமையுடன் இருந்து செயல்பட வேண்டும்.

இவ்வாறு அவர் பேசினார்.

விழாவில் மாவட்ட கவுன்சிலர் சுரேஷ், சிறப்பு திட்ட அமலாக்கப்பிரிவு துணை கலெக்டர் திருமால்சாமி, ஒன்றிய கவுன்சிலர்கள் சிங்க ராசு, வீரகணபதி, அபிராமம் நாகராஜன், இளைஞரணி ஒன்றிய இணைசெயலாளர் ஜெகதீஸ்வரன், அவைத் தலைவர் ஆறுமுகம் உள்பட பலர் கலந்துகொண்டனர்.

Saturday, May 18, 2013

ராமநாதபுரத்தில் ஓடும் பஸ்சில் பெண்ணிடம் 12 பவுன் நகை திருட்டு

ராமநாதபுரத்தில் ஓடும் பஸ்சில் பெண்ணிடம் 12 பவுன் நகை திருட்டு: போலீசில் புகார்

ராமநாதபுரம், மே 18:

                                            ராமநாதபுரம் மாவட்டம் பட்டினம்காத்தான் அருகே உள்ள ஆத்மநாதசுவாமி நகரைச் சேர்ந்தவர் ரத்தின பாண்டியன். இவரது மனைவி விஜயராணி (வயது35). இவர், மதுரை சென்று விட்டு ராமநாதபுரம் பாரதிநகர் பஸ் நிறுத்தம் வந்து இறங்கினார். அங்கிருந்து டவுன் பஸ்சில் சென்றபோது விஜயராணி வைத்திருந்த நகைப்பையை யாரோ ஜேப்படி செய்து விட்டனர்.

பஸ்சில் இருந்து இறங்கியதும் நகைப்பையை காணாதது கண்டு அவர் அதிர்ச்சி அடைந்தார். அந்த பர்சுக்குள் 4 1/2 பவுன் தங்க அரை சங்கிலி, 7 1/2 பவுன் டாலர் செயின், 2 கிராம் தோடு ஆகியவை வைத்திருந்ததாக கேணிக்கரை போலீசில் விஜயராணி புகார் செய்தார். அதன்பேரில் இன்ஸ்பெக்டர் கிருஷ்ணமூர்த்தி வழக்குப் பதிவு செய்து விசாரணை நடத்தி வருகிறார்.

Friday, May 17, 2013

பணம் வைத்து சீட்டு விளையாடிய 7 பேர் கைது

பட்டணம் காத்தான் சோதனைச்சாவடி அருகே பணம் வைத்து சீட்டு விளையாடிய 7 பேர் கைது

இராமநாதபுரம், மே 17:



                               இராமநாதபுரம் கேணிக்கரை போலீஸ் சப்-இன்ஸ்பெக்டர் ஜெயபால் தலைமையிலான போலீசார் பட்டணம் காத்தான் சோதனைச்சாவடி அருகே உள்ள கிழக்கு கடற்கரை சாலைபகுதியில் நேற்று முன்தினம் மாலை ரோந்து சென்றனர். அப்போது அந்த பகுதியில் சிலர் பணம் வைத்து சீட்டு விளையாடிக்கொண்டு இருந்தனர்.

                                      உடனே போலீசார் சுற்றிவளைத்து எம்.எஸ்.கே.நகர் அங்குச் சாமி, பசும் பொன் நகர் முத்து, கேசவன், விஜயகுமார், நாகநாதபுரம் அகமதுகனி, ஓம்சக்திநகர் சுரேஷ், விவேகானந்தர்தெரு மகாலிங்கம் ஆகிய 7 பேரை கைது செய்தனர்.

அவர்களிடம் இருந்து ரூ. ஆயிரத்து 400-ஐ பறிமுதல் செய்தனர்.

Thursday, May 16, 2013

ராமநாதபுரத்தில் கோடைகால கூடைபந்து பயிற்சி 10 நாட்கள் நடந்தது

இராமநாதபுரத்தில் கோடைகால கூடைபந்து பயிற்சி 10 நாட்கள் நடந்தது



இராமநாதபுரம், மே 16:

           இராமநாதபுரம் மாவட்டம் கூடைபந்தாட்ட கழகத்தின் சார்பில் முதல் முதலாக மாணவர்களுக்கும், இளைஞர்களுக்கும் கூடை பந்தாட்ட கோடை கால பயிற்சி 10 நாட்கள் நடைபெற்றது. இந்த பயிற்சியில் சுமார் 65 இளைஞர்களும், சிறுவர்களும் கலந்து கொண்டு பயிற்சி பெற்றனர்.

சென்னை லயோலா கல்லூரியின் முன்னாள் உடற்கல்வி இயக்குநர் சத்தியசீலன் கூடைபந்தாட்டத்தின் நுணுக்கங்கள் மற்றும் செயல்பாடுகள் கையாலும் முறைகள் குறித்து பயிற்சி அளித்தார். இதன் நிறைவு விழா அரசு ஆண்கள் மேல் நிலைப்பள்ளியில் நடை பெற்றது.

விழாவில் மாவட்ட கூடைபந்தாட்ட கழகத்தின் தலைவரும், முன்னாள் எம்.எல்.ஏ.வுமான ராம்பிரபு வரவேற்றார். சிறப்பு விருந்தினராக ராமநாதபுரம் மாவட்ட முன்னாள் கூடைபந்தாட்ட கழகத்தின் தலைவர் தனசீலன், தி.மு.க. மாநில இளைஞர் அணி துணை செயலாளரும், மாவட்ட கூடைபந்தாட்ட கழகத்தின் துணை தலைவருமான சம்பத், தி.மு.க. நகர் செயலாளர் சேது கருணாநிதி, வக்கீல் சவுமிய நாராயணன் ஆகியோர் கலந்து கொண்டனர்.

கே.வி.ஆர். கூடைபந்தாட்ட கழகத்தின் நிர்வாகிகள் சரவணன், உடற்கல்வி ஆசிரியர்கள், தமிழரசு, ராஜா, சுரேஷ், குமார் மற்றும் மாணவர்களின் பெற்றோர்கள் கலந்து கெண்டனர். முடிவில் கே.வி.ஆர். கூடைபந்தாட்ட கழகத்தின் நிர்வாகி வேலவன் நன்றி கூறினார்.

ராமநாதபுரம் மாவட்டம் : எங்கு படிக்கலாம்?

ராமநாதபுரம் மாவட்டம் : எங்கு படிக்கலாம்?




பாரம்பரிய நினைவு சின்னமான பாம்பன் பாலத்தையும், புராதன கோவில்களையும் தன்னகத்தே கொண்ட ராமநாதபுரம் மாவட்டம், கல்வியைப் பொறுத்தவரை ஒரு சராசரி மாவட்டமாகவே திகழ்கிறது. அரசு பொறியியல் கல்லூரி ஒன்று உள்ள போதும் அரசு மருத்துவ கல்லூரி இ‌ம்மாவட்ட மக்களின் நீண்ட நாள் கோரிக்கையாக உள்ளது. இந்த மாவட்டத்தில் உள்ள கல்லூரிகள் குறித்த விபரங்கள் பற்றி அறிந்துக்கொள்ளலாம்.

கலை அறிவியல் கல்லூரிகள்:

ராமநாதபுரம் மாவட்டத்தில் 10 கலை மற்றும் அறிவியல் கல்லூரிகள் உள்ளன.

Arts & Science Colleges in Ramanathapuram 

Govt. Arts College for Women, Ramanathapuram


Govt. Arts College, Paramakudi


Madurai Kamaraj University Evening College, Paramakudi


Madurai Kamaraj University Evening College, Ramanathapuram


Sethupathy Govt. Arts College, Ramanathapuram


Caussanel College of Arts and Science, Ramanathapuram


Pasumpon Thiru Muthuramalinga Thevar Memorial College,Kamuthi


Sonai Meenal Arts and Science College, Mudukulathur


Syed Hammedia Arts and Science College, Kilakkarai


Thassim Beevi Abdul Kadar College for Women, Ramnad




4 பொறியியல் கல்லூரிகள் உள்ளன.

 Anna University Tiruchirappali, Ramanathapuram Campus

Ganapathy Chettiar College of Engineering and Technology, Paramakudi

Mohamed Sathak Engineering College, Kilakarai


Syed Ammal Engineering College, Ramanathapuram



அதே போல மேலாண்மை, ஹோட்டல் மேனேஜ்மெண்ட், பாலிடெக்னிக் ஆகியவற்றில் தலா 3 கல்லூரிகள் உள்ளன.


மேலாண்மை





Govt. Arts College for Women, Ramanathapuram


Kings Institute of Catering and Hotel Management, Ramnad


Thassim Beevi Abdul Kadar College for Women, Ramnad



ஹோட்டல் மேனேஜ்மெண்ட்

Govt. Arts College for Women, Ramanathapuram

Kings Institute of Catering and Hotel Management, Ramnad


Thassim Beevi Abdul Kadar College for Women, Ramnad



பாலிடெக்னிக்


Mohammed Sathak Polytechnic, Keelakari


Sri Muthalamman Polytechnic College, Paramakudi


Udhayam Polytechnic College, Rameswaram



அத்துடன் பிசியோதெரபி கல்லூரி ஒன்றும் உள்ளது.  


Pioneer College of Physiotherapy, Ramanathapuram


பி.எட் மற்றும் ஆசிரியர் பயிற்சிக்கென 10 கல்லூரிகள் இயங்கி வருகின்றன.


C.S.I. College of Education, Ramanad

Fatima Teacher Training Institute, Ramanathapuram


Meds Teacher Training Institute, Ramanathapuram


Puratchi Thalaivar Dr. M.G.R. College of Education, Ramanathapuram


R.K. Samy College of Education, Ramanathapuram


R.K. Samy Teacher Training Institute, Ramanathapuram



Ganapathi Teacher Training Institute, Paramakudi


Ganapathy College of Education, Paramakudi


Sri Ragavendra Institute of Teacher Training, Paramakudi


Theivika Thirumughan Pasumpon Thevar T.T.I., Kamuthi




இவற்றில், அரசு சார்பில்

1.சேதுபதி கலை மற்றும் அறிவியல் கல்லூரி,  

2.பசும்பொன் திரு முத்துராமலிங்க தேவர் கல்லூரி  

3.அரசு மகளிர் கல்லூரி
ஆகியவை ராமநாதபுரத்தில் இயங்கி வருகின்றன.




அத்துடன் பரமக்குடியில் அரசு சார்பில் ஒரு கலை அறிவியல் கல்லூரி செயல்பட்டு வருகிறது.

Govt. Arts College, Paramakudi


இவற்றைத் தவிர அரசு நிதி உதவி பெறும் மதுரை காமராஜர் பல்கலைக்கழக மாலை நேர கல்லூரிகள் ராமநாதபுரத்தில் ஒன்றும், பரமகுடியில் ஒன்றும் இயங்கி வருகின்றன.

அரசு நிதி உதவி பெறக்கூடிய காசனில் என்ற கல்லூரியும் ராமநாதபுரத்தில் உள்ளது.  


பொறியியல் கல்லூரிகளைப் பொறுத்தவரை அண்ணா பல்கலைக் கழக கட்டுப்பாட்டில் உள்ள ஓர் அரசு பொறியியல் கல்லூரியும் ராமநாதபுரத்தில் உள்ளது. 

Anna University Tiruchirappali, Ramanathapuram Campus


மேலாண்மை படிப்பினை பரமகுடி அரசு கலைக் கல்லூரி வழங்குகிறது,

Govt. Arts College, Paramakudi


ஹோட்டல் மேனேஜ்மெண்ட் படிப்பை ராமநாதபுரம் அரசுக் கல்லூரி வழங்குகிறது.

 Govt. Arts College for Women, Ramanathapuram