Welcome PradhiKarthik: பாலியல் வன்கொடுமை
Showing posts with label பாலியல் வன்கொடுமை. Show all posts
Showing posts with label பாலியல் வன்கொடுமை. Show all posts

Tuesday, May 28, 2013

பெண்ணை வீட்டில் அடைத்து வைத்து "செக்ஸ் டார்ச்சர்': காமக்கொடூரன் கைது

பெண்ணை வீட்டில் அடைத்து வைத்து "செக்ஸ் டார்ச்சர்': காமக்கொடூரன் கைது


சேலம் : சேலத்தை சேர்ந்த பெண்ணுக்கு மயக்க மருந்து கொடுத்து கற்பழித்து, வீடியோ எடுத்து மிரட்டி, தொடர்ந்து உல்லாசத்துக்கு பயன்படுத்தி, "செக்ஸ் டார்ச்சர்' செய்த, காமக் கொடூரனை, தாரமங்கலம் போலீசார் கைது செய்து, சிறையில் அடைத்தனர். சேலம், கே.ஆர்.தொப்பூர், கோனகாபாடியை சேர்ந்தவர், தேவி, 27. இவர், எஸ்.பி.,யிடம் அளித்த புகாரில் கூறியிருப்பதாவது:

எனக்கு திருமணமாகி, 2 குழந்தைகள் உள்ளனர். கணவர், சிவில் இன்ஜினியர். ஒன்றரை ஆண்டுகளுக்கு முன், தாரமங்கலம், கருக்கல்வாடியை சேர்ந்த பூபதி, 28, அவரது பிசினசில் சேர்ந்து கொள்ளும்படி கூறி, கிருஷ்ணகிரியில் நடக்கும் மீட்டிங்கிற்கு, காரில் என்னை அழைத்து சென்றார்.

பழச்சாறில் மயக்க மருந்து கலந்து கொடுத்த பூபதி, காரிலேயே என்னை கற்பழித்து, வீடியோ படம் எடுத்து கொண்டார். அந்த படத்தை, இன்டர்நெட்டில் வெளியிட்டு விடுவதாகவும், கணவரிடம் காண்பித்து விடுவதாகவும் கூறி, அடிக்கடி என்னை மிரட்டி, இச்சைக்கு பயன்படுத்தி கொண்டார்.

என் கணவர் மற்றும் குழந்தைகளை கொலை செய்து விடுவதாகக் கூறி, என்னை, தன் முழு கட்டுப்பாட்டுக்குள் கொண்டு வந்ததோடு, என் கணவருக்கு எதிராக, போலீசில் புகார் கொடுக்க வைத்தார். இதனால், கணவர் மற்றும் குடும்பத்தினர், என்னை விட்டு பிரிந்த நிலையில், எட்டு மாதமாக, என்னை வீட்டில் அடைத்து, பூபதி, உடல் முழுவதும் நகம், பற்களால் காயப்படுத்தி, "செக்ஸ் டார்ச்சர்' செய்து கொடுமைப்படுத்தி வந்தார். திருமணமாகி, ஒரு குழந்தை உள்ள பூபதி, தன் பெயரை, மகேஷ், திருமணமாகாதவர் எனக் கூறி, டாக்டர், போலீஸ், பத்திரிகை நிருபர் என்ற போர்வையில், பெண்களை ஏமாற்றி வருகிறார்.

மிரட்டி வருகிறார்:

பூபதியிடம் இருந்து தப்பித்து, என் கணவரிடம் நடந்த சம்பவங்களை எடுத்து கூறினேன். அவர் என்னை மன்னித்து, ஏற்றுக் கொண்டார். கணவர், குழந்தைகளுடன், ஒரு மாதமாக சேர்ந்து வாழ்ந்து வரும் நிலையில், பூபதியுடன், நான் இருந்த வீடியோ படத்தை வெளியிட்டு விடுவதாக மிரட்டி, 5 லட்சம் ரூபாய் கேட்டு, "பிளாக் மெயில்' செய்வதுடன், கணவர், குழந்தைகளை கொலை செய்வதாக மிரட்டி வருகிறார். காமக் கொடூரன் பூபதியிடம் இருந்து என்னை காப்பாற்றி, அவரிடம் உள்ள வீடியோ, புகைப்படங்களை மீட்டு, தகுந்த விசாரணை மேற்கொண்டு, சட்ட ரீதியாக நடவடிக்கை எடுக்க வேண்டும். இவ்வாறு, மனுவில் கூறப்பட்டுள்ளது.

தேவி அளித்த புகார் மனு மீது, விசாரணை நடத்த, எஸ்.பி., சக்திவேல் உத்தரவிட்டார். இது தொடர்பாக, விசாரணை நடத்திய தாரமங்கலம் போலீசார், பூபதியை நேற்று கைது செய்து, சிறையில் அடைத்தனர்.

Saturday, May 18, 2013

பேச்சுத்திறனற்ற இளம்வயது மாணவிகளுக்கு பாலியல் கொடுமை

பேச்சுத்திறனற்ற இளம்வயது மாணவிகளுக்கு பாலியல் கொடுமை: பள்ளி நிர்வாகி உள்பட 4 பேர் கைது



ஜெய்பூர், மே 18:
ராஜஸ்தான் மாநிலம், காந்தி நகரில் இளம் சிறார்களுக்கான அரசு அனாதை இல்லம் உள்ளது.

இங்கு தங்கி படித்து வரும் 15-17 வயதுக்குட்பட்ட பேச்சு மற்றும் கேட்புத் திறனற்ற மாணவிகளை கனோட்டா பகுதியில் அரசின் நிதியுதவியுடன் நடத்தப்படும் 'அவாஸ் பவுண்டேஷன்' பேச்சுத்திறன் பள்ளிக்கு அனாதை இல்ல நிர்வாகிகள் அனுப்பி வைத்தனர்.

பயிற்சி முடிந்து காந்தி நகர் ஆசிரமத்துக்கு திரும்பிய 5 மாணவிகளும் தொடர்ந்து சில நாட்கள் வரை சரியாக சாப்பிடாமல் அழுதபடி இருந்தனர். ஆசிரம நிர்வாகிகள் அம்மாணவிகளிடம் விசாரித்தபோது தங்களுக்கு நேர்ந்த கொடுமையை அவர்கள் சைகையால் தெரிவித்தனர்.

பயிற்சி பள்ளி நிர்வாகிகள் தங்களை அடித்து, உதைத்து, மிரட்டி, கற்பழித்து கொடுமைப்படுத்தியதாக தெரிவித்தனர்.

இச்சம்பவம் தொடர்பாக ஆசிரம நிர்வாகிகள் போலீசாரிடம் புகார் அளித்தனர். இதனையடுத்து, அவாஸ் பவுண்டேஷன் இயக்குனர் அல்பனா சர்மா, ஊழியர்கள் சுரேஷ், அசோக், கீதா ஆகியோரை போலீசார் இன்று கைது செய்தனர்.

இச்சம்பவம் தொடர்பாக மேaலும் சிலரை போலீசார் தேடி வருகின்றனர்

Friday, May 17, 2013

மதுரையில் 9 வயது சிறுமிக்கு பாலியல் துன்புறுத்தல்: 60 வயது முதியவர் கைது

மதுரையில் 9 வயது சிறுமிக்கு பாலியல் துன்புறுத்தல்: 60 வயது முதியவர் கைது



மதுரை அருகே 9 வயது சிறுமியை பாலியல் வன்கொடுமை செய்ததாக 60 வயது முதியவர் ஒருவர் கைது செய்யப்பட்டுள்ளார். பாதிக்கப்பட்ட சிறுமி நான்காம் வகுப்பு படித்து வருகிறார்.

அவரது பெற்றோரைச் சந்திக்க குடும்ப நண்பரான மதுரை அலங்காநல்லூர் மேட்டுப்பட்டியைச் சேர்ந்த பெரிய கருப்பன் என்பவர் நேற்று முன்தினம் இரவு வந்துள்ளார்.

அப்போது, சிறுமிக்கு தின்பண்டம் வாங்கித் தருவதாகக் கூறி அழைத்துச் சென்று, சிறுமியை பாலியல் வன்கொடுமை செய்துள்ளார். பின்னர், அந்த சிறுமியை வீட்டில் விட்டு விட்டு சொந்த ஊருக்குச் சென்றுள்ளார்.

இந்நிலையில் சிறுமி தனது பெற்றோரிடம் தகவல் தெரிவித்ததை அடுத்து, மதுரை கூடல்புதூர் காவல் நிலையத்தில் அவர்கள் புகார் அளித்தனர். இந்த புகார் குறித்து விசாரணை நடத்திய சமயநல்லூர் அனைத்து மகளிர் காவல் நிலையப் போலீஸார் பெரியகருப்பனை நேற்றிரவு கைது செய்தனர்.

அவர் மீது குழந்தையை பாலியல் வன்கொடுமை செய்தது, கொலை மிரட்டல் உட்பட 3 பிரிவுகளின் கீழ் வழக்கு தொடரப்பட்டுள்ளது. மதுரை 6 - ஆவது குற்றவியல் நீதிமன்ற நீதிபதி முன் பெரிய கருப்பன் ஆஜர்படுத்தப்பட்டார். அவரை 15 நாள் நீதிமன்றக் காவலில் வைக்க உத்தரவிடப்பட்டதை அடுத்து, மதுரை மத்திய சிறையில் பெரிய கருப்பன் அடைக்கப்பட்டார்.