Welcome PradhiKarthik: கதை அல்ல நிஜம்
Showing posts with label கதை அல்ல நிஜம். Show all posts
Showing posts with label கதை அல்ல நிஜம். Show all posts

Thursday, May 16, 2013

ரஜினி: உச்சத்தில் நிலைமை… உள்ளத்தில் எளிமை!


ரஜினி: உச்சத்தில் நிலைமை… உள்ளத்தில் எளிமை!




ரஜினி என் நண்பர்’ என்று சொல்பவர்கள் பெரும்பாலும் இருப்பது உச்சாணிக் கொம்பில். ஆனால் ரஜினியோ வெரி சிம்பிள். தனது ‘உயிர் நண்பர்கள்’ என்று ரஜினி மதிப்பது, தான் கஷ்டப்பட்ட காலத்தில் உடனிருந்து உதவி செய்த எளிய நண்பர்களை தான்.

 

அவர்களில் மூன்று பேர் முக்கியமானவர்கள்.

பெங்களூர் பஸ்சில் ரஜினி கண்டக்டராக இருந்தபோது, டிரைவராக இருந்த ராஜ் பகதூர், திரைப்படக் கல்லூரியில் ஒன்றாகப் படித்த விட்டல், இயக்குனரும் நடிகருமான கே.நட்ராஜ் – இந்த மூவரும்தான் இன்றும் ரஜினியின் ‘வாடா போடா’ நண்பர்கள்.

ரஜினி சென்னைக்கு நடிக்க வந்தபோது, அவர் பட்ட ஆரம்பகட்ட சிரமங்களில்… அவருக்கு உறுதுணையாக இருந்தவர் ராஜ்பகதூர்.

அப்பேர்ப்பட்ட உயிர் நண்பரான இவர், எப்போது சென்னைக்கு வந்தாலும் தங்குவது – சாதாரண ஹோட்டலில்தான். ரஜினியே பல முறை வற்புறுத்திச் சொல்லியும் கூட, ‘என் லெவலுக்கு இது போதும்’ என்று ஸ்டார் ஹோட்டலில் தங்குவதைத் தவிர்த்தவர் ராஜ்பகதூர்.

ஒரு ஃபோன் அடித்தால், பறந்து வந்து அழைத்துப் போகும் பல ரக கார்கள். ஆனாலும் ரஜினியைச் சந்திக்க ராகவேந்திரா மண்டபத்திற்கு ஆட்டோவில்தான் வந்து போகிறார் பகதூர். அப்படியொரு அக்மார்க் எளிமை.

இவர் இப்படி என்றால்… ரஜினி எப்படி?

பெங்களூரு, மகாபலிபுரம் என மனசுக்கு பிடித்த இடங்களுக்கு திடீர் விசிட் அடிப்பது ரஜினிக்கு ரொம்பவே பிடிக்கும். இந்த மாதிரி நேரங்களில் சடாரென ரெடியாகி, தடாலடியாக ரஜினி வந்து சஸ்பென்சாக நிற்குமிடம்… கே.நட்ராஜின் வீடு.
‘என்னடா கிளம்பிட்டியா?’ என்று ‘செல்’லில் கேட்பார்.

“இதோ மண்டபத்திற்கு வந்துடறேன்” என்று புயலாகக் கிளம்பி வரும் நடராஜை, வாசலிலேயே வரவேற்பார் ரஜினி. இதை பார்த்து அக்கம்பக்கம் அசந்து போகும். இதில் ஸ்பெஷல் நியூஸ் – நட்ராஜினி மகள் பெயர் ரஜினி!

அப்படியே நட்ராஜுடன் கிளம்பும் ரஜினி, அடுத்துப் போகிற இடம் – விட்டலின் வீடு, அங்கேயும் வாசலில் நின்று, “கீழே வெயிட் பண்றோம், வாடா” என்று அதிரடியாக அழைப்பார் ரஜினி. அலறியடித்துக் கிளம்பும் விட்டலைப் பார்த்து குடும்பத்தினரும், ரஜினியும் ரசித்து சிரிப்பது அடிக்கடி நடக்கிற அட்ட’ஹா’சம்.

இந்த மூன்று சிநேகிதர்களிடமும் ரஜினி அனேக முறை “உங்களுக்கு என்ன வேணுமோ கேளுங்க… செய்யறேன்” என்று கேட்டுப் பார்த்துவிட்டார். “நம்மோட இந்த நட்புதான் எப்பவும் முக்கியம். இதுவே போதும்” என்று மூவரும் சொல்ல… ‘எளிமையான’ நண்பர்களின் ‘வலிமையான’ பதிலால் நெகிழ்ந்து போனார் ரஜினி!

Wednesday, May 15, 2013

ரஜினியை மட்டும் மக்கள் ஏன் தலைவர் என்று அழைக்கிறார்கள்

  ரஜினியை  மட்டும் மக்கள் ஏன் தலைவர் என்று அழைக்கிறார்கள்

தன் நண்பர் ஒருவருடன் ரஜினி தன் கேளம்பாக்கம் பண்ணையில் ஜாலியாக பேசிகொண்டிருந்தார். அப்போது இங்கிருந்து 4 கி.மீ தொலைவில் ஒரு பஜ்ஜி கடை உள்ளது மிகவும் அருமையாக இருக்கும் என நண்பர் சொல்ல, ஆர்வம் கொண்ட ரஜினி வாங்க நம்ம போய் சாப்டலாம் நு சொல்லியிருக்கிறார். அதிர்ச்சி அடைந்த நண்பர் ,சார் நீங்க எப்பிடி சார் வரமுடியும்? மக்கள் உங்களை கண்டுவிட்டால் கூட்டம் கட்டுபடுத்த முடியாது சார் என்று சொல்லிருக்கிறார். கவலைபடாதீங்க நான் மாறுவேடமிட்டு அவ்வபோது மக்களோடு சராசரி மனிதனை போல நடமாடுவது வழக்கம் என்று அவரை சமாதான படுத்திவிட்டு இருவரும் வெள்ளை நிற பியட்டில் சென்றுள்ளனர். 

                                  மணியோ இரவு 8.30. கடைக்கு இரண்டு தெரு அப்பால் காரை ஒரு ஓரமாக நிறுத்திவிட்டு ரஜினியும் அவர் நண்பரும் கடைக்கு நடைகட்டியுள்ளனர்.ஒரு 85 வயது முதியவரை போல் மாறுவேடமிட்திருந்த ரஜினியை அவ்வளவு எளிதில் கண்டுபிடிக்க இயலவில்லை யாராலும் . கடைக்கு போகும் வழியில் ஒரு மூதாட்டியை பார்த்த ரஜினி, என்ன அம்மா இங்க இருக்கீங்க என்று கேட்க ஒன்றுமே சொல்லாமல் அமைதியாக இருந்த பாட்டியிடம் மீண்டும் ரஜினி என்ன மா ஏன் இந்த இரவில் வீட்டுக்கு போகாம தனியாக இங்கு இருக்கிறீர் என்று கேட்க. கொஞ்சம் தண்ணி கிடைக்குமாபா என்று இறுகிய குரலில் பாட்டி கேட்க , அடுத்த 3 நிமிடத்தில் தண்ணீர் பாட்டியிடம்.

இப்போ சொல்லுங்கம்மா என்று ரஜினி கேட்க , இறுகிய முகத்துடன் இருந்த பாட்டி கூறியது, என் கணவர் ராணுவத்தில் பணியாற்றி நாட்டுக்காக உயிர் இழந்தார். இரண்டு பிள்ளைகளையும் ரொம்ப கஷ்டப்பட்டு நல்ல நிலைமைக்கு கொண்டுவந்தேன். இன்று அவர்கள் என்னை வீட்டை விட்டு வெளியே போக சொல்லிவிட்டார்கள். 3 நாளாக இதே இடத்தில் தான் இருக்கிறேன் என் பிள்ளைகள் தேடி வருவார்கள் என்ற நம்பிக்கையில், ஆனால் வரவில்லை. அடுத்தவர்களை பார்த்து கை ஏந்தும் நிலை நாளை முதல, ஆனால் அப்பிடி ஒரு நிலை வந்தால் என் உயிர் என்னை விட்டு பிரிந்து விடும். நீங்க போங்க அய்யா தண்ணீர் கொடுத்ததற்கு ரொம்ப நன்றி என்று கூறி பாட்டி அயர்ந்து தூங்கி விட்டார் தெருவோரம். ரஜினியும் நண்பரும் கிளம்பிவிட்டனர் இறுகிய மனதுடன்.

மறுநாள் காலை விடிந்தது, எழுந்தவுடன் பாட்டி கண்முன் ஒரு கார்.

யார் அய்யா நீங்க.

நாங்க முதியோர் நல் வாழ்வு இயக்கத்திலிருந்து வரோம் மா, வந்து கார் ல உட்காருங்கம்மா.

இல்லப்பா நீங்க நினைக்கிறது நான் இல்ல.

இல்லமா நீங்கதான் நாங்க தேடி வந்தது. நேற்று இரவு பெரியவர் கூட நீங்க தானமா தண்ணி கேட்டது

ஆமா யா, ஆனா அவர் யார்னு எனக்கு தெரியலியே . சிரித்து கொண்ட முதியோர் நல் வாழ்வு இயக்கத்தினர் கூறியது அவரை உங்களுக்கு தெரியும் மா வாங்க சொல்றோம்.

காரில் சென்று முதியோர் இல்லம் அடைந்த பின் பாட்டி கூறினார் ஓட்டுனரிடம்; அய்யா அந்த பெரியவர் நல்ல இருக்கணும். அவருக்கு என் மனமார்ந்த நன்றியை சொல்லிருங்கயா. அவர் யார்னு நீங்க சொல்லவே இல்லையே?

ஓட்டுனர் புன்னககையுடன் சொன்னார் , அம்மா அவர் தான் நம்ம ரஜினி.

திகைப்படைந்த பாட்டி கண் கலங்கி ஓட்டுனரிடம் கூறியது, தம்பி நேற்று சொன்னது "நல்லவங்களை ஆண்டவன் கண்டிப்பா கைவிடமாட்டான் அம்மா, காலையில் விடிவு பிறக்கும் பாருங்க"

நல்ல இருப்பிடம், பிள்ளைகூட தராத நல்ல நிம்மதி இன்று அந்த பாட்டிக்கு அந்த நல் வாழ்வு இயக்க கொடுத்துள்ளது. அத்தனை செலவும் இன்றுவரை ரஜினியுடையது .

புரிந்தது ஏன் அரசியலில் இல்லாமலும் உங்களை மட்டும் மக்கள் ஏன் தலைவர் என்று ஏன் கூபிட்ராங்கனு என்று.