Welcome PradhiKarthik: விளையாட்டுச்செய்திகள்
Showing posts with label விளையாட்டுச்செய்திகள். Show all posts
Showing posts with label விளையாட்டுச்செய்திகள். Show all posts

Friday, May 31, 2013

சச்சினுக்கு புக்கீகள் வைத்த பட்டப்பெயர்?

சச்சினுக்கு புக்கீகள் வைத்த பட்டப்பெயர்?


மும்பை: கிரிக்கெட் ரசிகர்களுக்கு பிடித்த வீரரான சச்சின் டெண்டுல்கருக்கு தரகர்கள் ஒரு கோட் வார்த்தையை பயன்படுத்தியுள்ளனர். கிரிக்கெட் இருக்கும் வரை சச்சின் டெண்டுல்கரின் பெயரும் இருக்கும் என்று ஊடகங்கள் பெருமை பாடுகின்றன. அத்தகைய சச்சினுக்கு பல பட்டப்பெயர்கள் உள்ளன. கிரிக்கெட்டின் கடவுள், டென்டியா, லிட்டில் மாஸ்டர், மாஸ்டர் பிளாஸ்டர் ஆகியவை சில பெயர்கள் ஆகும். இந்நிலையில் ஐபிஎல் சூதாட்டத்தில் சிக்கிய தரகர்களின் லேப்டாப்கள், டைரிகள் மற்றும் ஐபேட்களில் சச்சினுக்கு புதிதாக ஒரு பட்டப்பெயர் உள்ளது. 

அந்த பெயர் பட்கு என்பதாகும். இந்தியில் பட்கு என்றால் குள்ளமாக உள்ளவர்களை கேலி செய்யும் வகையில் பயன்படுத்தப்படும் சொல். நம் ஊரில் கட்டையன் என்று சொல்வது போன்று. கேப்டன் டோணி ஹெலிகாப்டர் ஷாட் அடிப்பதால் அவருக்கு ஹெலிகாப்டர் என்று பெயர் வைத்துள்ளனர். மலிங்காவுக்கு மக்கி என்று பெயர் வைத்துள்ளனர். தரகர்கள் கிரிக்கெட் வீரர்களின் பெயர்களை பயன்படுத்தாமல் அவர்களுக்கு தாங்கள் வைத்த பட்டப்பெயர்களைத் தான் பயன்படுத்தி வந்துள்ளனர். ஏனென்றால் வேறு யாராவது கேட்டாலும் அவர்களுக்கு அந்த பெயர் புரியாதல்லவா.

Thursday, May 30, 2013

கிரிக்கெட் வீரர்களுக்கு புக்கிகள் வைத்த ரகசிய பெயர்கள் : கோஹ்லி-ரைசிங், டோனி-ஹெலிகாப்டர்

கிரிக்கெட் வீரர்களுக்கு புக்கிகள் வைத்த ரகசிய பெயர்கள் : 
கோஹ்லி-ரைசிங், டோனி-ஹெலிகாப்டர்


ஐபிஎல் சூதாட்ட விவகாரம் கிரிக்கெட் உலகையே புரட்டிப்போட்டுள்ளது. 3  கிரிக்கெட் வீரர்கள், பாலிவுட் நடிகர் வின்டு தாராசிங், சென்னை அணியின் கவுரவ உறுப்பினர் மற்றும் 25க்கும் மேற்பட்ட சூதாட்ட தரகர்கள் கைது செய்யப் பட்டு அவர்களிடம் தீவிர விசாரணை நடந்து வருகிறது. இதில் பல்வேறு திடுக்கிடும் தகவல்கள் வெளியாகி வந்த வண்ணம் உள்ளது. லேட்டஸ்டாக  தற்போது  சூதாட்டதரகர்கள்  கிரிக்கெட் வீரர்களுக்கு ‘கோடு வேர்டு' எனப்படும் ரகசிய பெயர்கள் வைத்தது தெரியவந்துள்ளது.

இந்திய அணியின் வளர்ந்து வரும் நட்சத்திர வீரர் கோஹ்லிக்கு ரைசிங் என புக்கிகள் பெயர் வைத்துள்ளனர். கேப்டன் டோனிக்கு  அவரின்  பேவரைட்  ஷாட்டான  ‘ஹெலிகாப்டர்Õ என பெயர் வைக்கப்பட்டுள்ளது. ஹர்பஜனுக்கு  டோபி, மலிங்காவிற்கு மங்கி, கிறிஸ் கெய்லுக்கு ராவன், சேவக்கிற்கு  ஷஸ்மா,  ரெய்னாவிற்கு ஷேர், ஸ்ரீசாந்திற்கு ரோட்டு, யுவராஜ்சிங்கிற்கு மாடல், அஸ்வினுக்கு  பிர்கி எனவும் புக்கிகள் பெயர் வைத்து சூதாட்ட வேலைகளில் ஈடுபட்டுள்ளனர்.

Wednesday, May 29, 2013

ஐ.பி.எல் சூதாட்டம் சுரேஷ் ரெய்னா, பிரவீன் குமார், பியுஷ் சாவ்லா உட்பட 10 வீரர்கள் சிக்குகிறார்கள்


ஐ.பி.எல் சூதாட்டம் சுரேஷ் ரெய்னா உட்பட 10 வீரர்கள் சிக்குகிறார்கள்


லக்னோ: ஐ.பி.எல் கிரிக்கெட் ஸ்பாட் பிக்சிங் சூதாட்டத்தில் சுரேஷ் ரெய்னா உட்பட உ.பியைச் சேர்ந்த 10 வீரர்கள் மீது சந்தேகம் எழுந்தள்ளதால், அவர்களை கண்காணித்து வருகிறோம் என்று உத்தரப் பிரதேச மாநில கூடுதல் டிஜிபி தெரிவித்துள்ளார். உத்தரப் பிரதேச மாநில சட்டம் ஒழுங்கு ஏடிஜிபி அருண் குமார் கூறியதாவது:உ.பி.யில் வாரணாசி, மீருட், கான்பூர், காஜியாபாத் போன்ற இடங்களில் கிரிக்கெட் சூதாட்டத்தில் ஈடுபட்ட கும்பல்களை கண்டுபிடித்துள்ளோம். தரகர்களிடம் தொடர்ந்து விசாரணை நடக்கிறது. இந்த மோசடியில் பலர் ஈடுபட்டுள்ளது தெரியவந்துள்ளது. எங்களுக்கு கிடைத்த தகவலின் அடிப்படையில் நாங்கள் தனியாக விசாரணை நடத்திக் கொண்டிருக்கிறோம்.

                    உ.பி.யைச் சேர்ந்த கிரிக்கெட் வீரர்கள் சுரேஷ் ரெய்னா, இம்தியாஸ் அகமது, அங்கித் சிங் ராஜ்புத், புவனேஸ் குமார், அலி முர்தாசா, எகலாவ்யா திவிவேதி, ருத்ர பிரதாப் சிங், பிரவீன் குமார், பியுஷ் சாவ்லா ஆகியோருக்கு இதில் தொடர்புள்ளதா என ஆய்வு செய்து வருகிறோம். இப்போதைக்கு எந்த தகவலையும் தெரிவிக்க முடியாது.ஸ்பாட் பிக்சிங் சூதாட்டத்தில் ஈடுபட்டவர்கள் விரை வில் கைது செய்யப்படுவர். தேவைப்பட்டால் டெல்லி, மும்பை போலீசாருடன் இணைந்து செயல்படுவோம். முன்னாள் முன்னனி வீரர்கள், பயிற்சியாளர்கள் உட்பட பலரை கண்காணித்து வருகிறோம். இவ்வாறு அருண் குமார் கூறினார்.

Tuesday, May 28, 2013

டோனி பேட்டி: புதிய விதிமுறைகளால் சாம்பியன்ஸ் கோப்பை தொடர் சவாலாக இருக்கும்

டோனி பேட்டி:
புதிய விதிமுறைகளால் சாம்பியன்ஸ் கோப்பை தொடர் 
சவாலாக இருக்கும்

புதுடெல்லி, மே 28:

ஐ.சி.சி. சாம்பியன்ஸ் கோப்பை கிரிக்கெட் தொடர் ஜூன் 6-ந்தேதி முதல் 23-ந்தேதி வரை இங்கிலாந்தில் நடக்கிறது. இதில் விளையாடுவதற்காக டோனி தலைமையிலான இந்திய அணி நாளை இங்கிலாந்து புறப்பட்டு செல்கிறது. 

இதையொட்டி கேப்டன் டோனி இன்று நிருபர்களிடம் கூறியதாவது:- 

சாம்பியன்ஸ் கோப்பையை இதுவரை வென்றதில்லை. கூட்டாக வெற்றி பெற்றுள்ளோம். இத்தொடர் சிறந்த போட்டியாக இருக்கும். இந்த தொடரில் பாகிஸ்தான் அணி வலுவான நிலையில் உள்ளது. தரமான வேகப்பந்து வீச்சாளர்கள் உள்னர். அஜ்மலும் அணியில் இருக்கிறார். 

எனவே, அந்த அணியுடன் மோதுவது நல்ல போட்டியாக இருக்கும். ஆனால், வெற்றி எங்கள் பக்கம் இருக்கும் என நம்புகிறேன். ஒருநாள் போட்டிக்கான விதிமுறைகள் மாற்றப்பட்ட பிறகு முதல் முறையாக வெளிநாட்டில் விளையாட உள்ளோம். 

எனவே, இந்த புதிய விதிமுறைகளால் சில சவால்கள் உள்ளன. இளம் வீரர்கள் தங்கள் திறமையை வெளிப்படுத்த இப்போட்டி ஒரு நல்ல தளமாகும். அவர்கள் அதிக நேரம் விளையாடுவதற்கு வாய்ப்பு கிடைக்கும். இது வீரர்களுக்கு சிறந்த வாய்ப்பு ஆகும். 

முதல் போட்டிக்கு முன்னதாக நீண்ட இடைவெளி இருக்கிறது. இங்கிலாந்து சென்று தோல்வியடைந்த பிறகு, டெஸ்ட் தொடரில் நாங்கள் சிறப்பாக விளையாடவில்லை. ஒருநாள் தொடர்களில் ஒழுங்காக விளையாடியதாகவே நான் உணர்கிறேன். 

இவ்வாறு அவர் கூறினார். 

சாம்பியன்ஸ் லீக் போட்டி குறித்த கேள்விகளுக்கு பதில் அளித்த டோனி, ஐ.பி.எல். தொடர்பான சர்ச்சைக்குரிய கேள்விகளுக்கு பதில் அளிக்கவில்லை.

Monday, May 27, 2013

திடீர் திருப்பம்:கிரிக்கெட் சூதாட்டம் முக்கிய குற்றவாளி சஞ்சய் பாப்னா கைது

திடீர் திருப்பம்:
சென்னை கிரிக்கெட் சூதாட்டம் தொடர்பான வழக்கில் 
முக்கிய குற்றவாளி சஞ்சய் பாப்னா கைது




சென்னை: சென்னையில் நடைபெற்ற கிரிக்கெட் சூதாட்டம் தொடர்பான வழக்கில், திடீர் திருப்பமாக முக்கிய குற்றவாளி சஞ்சய் பாப்னா கைது செய்யப்பட்டுள்ளார். சென்னையில் கிரிக்கெட் சூதாட்டம் நடப்பதாக சிபிசிஐடி போலீசுக்கு தகவல் வந்தது. ஐஜி மஞ்சுநாதா உத்தரவின்படி எஸ்பிக்கள் ராஜேஸ்வரி, பெருமாள் ஆகியோர் கொண்ட தனிப்படை அமைக்கப்பட்டது. தனிப்படையினர் தீவிர விசாரணை நடத்தி வந்தனர். இந்த வழக்கில் முக்கிய குற்றவாளிகளாக கருதப்பட்ட பிரசாந்த், கிட்டி (எ) உத்தம்சிங் ஜெயின், வேதாச்சலம் உள்பட 9 பேர் கைது செய்யப்பட்டனர். அதில் பிரசாந்தை போலீசார் 3 நாள் காவலில் எடுத்து விசாரணை நடத்தி வருகின்றனர். அவர்களிடம் இருந்து இதுவரை ரூ.20 லட்சம், கம்ப்யூட்டர்கள், செல்போன்கள், சிம்கார்டுகள் பறிமுதல் செய்யப்பட்டன.

இந்த வழக்கில் மற்றொரு முக்கிய குற்றவாளியான சஞ்சய் பாப்னாவை போலீசார் தீவிரமாக தேடி வந்தனர். அவர், சென்னை உயர் நீதிமன்றத்தில் முன் ஜாமீன் மனு தாக்கல் செய்தார். ஆனால், முன் ஜாமீன் மனு தள்ளுபடி செய்யப்பட்டது. அவரை சிபிசிஐடி போலீசார் தொடர்ந்து தேடி வந்தனர். 
இந்நிலையில் தென் ஆப்ரிக்காவில் இருந்து சென்னை விமான நிலையம் வந்தபோது இன்று காலை சஞ்சய் பாப்னாவை போலீசார் கைது செய்தனர். அவரிடம் தீவிர விசாரணை நடத்தி வருகின்றனர். இவர்தான், பிரசாந்த், கிட்டி ஆகியோருக்கும், மும்பை, டெல்லியில் உள்ள முக்கிய தரகர்களுக்கும் இடையே இடை தரகராக செயல்பட்டவர். இதனால் இவரிடம் விசாரணை நடத்தினால், மும்பை, டெல்லி தொடர்புகள் தெரிய வரும் என்று போலீசார் எதிர்பார்க்கின்றனர். இதனால் அவரிடம் தீவிர விசாரணை நடத்தி வருகின்றனர்.

சீனிவாசனிடமிருந்து கோப்பையை வாங்க தயங்கியிய சச்சின்?

சீனிவாசனிடமிருந்து கோப்பையை வாங்க தயங்கியிய  சச்சின்?





கொல்கத்தா: இந்தியகிரிக்கெட் வாரியத்தலைவர் சீனிவாசனிடமிருந்து ஐபிஎல் கோப்பையை வாங்க மும்பை இந்தியன்ஸ் அணியைச் சேர்ந்த சச்சின் டெண்டுல்கர் தயங்கியதாக தகவல்கள் கூறுகின்றன.
வெற்றி பெற்ற மும்பை அணிக்கு சீனிவாசன் கோப்பையைக் கொடுத்தபோது சச்சின் அருகில் நிற்கவில்லை. மாறாக சற்று தள்ளிப் போய் நின்றிருந்தார். இதனால் அவர் சீனிவாசனிடமிருந்து கோப்பையைப் பெறத் தயங்கியதாக பேச்சுக்கள் கிளம்பியுள்ளன.


சீனிவாசனின் மருமகன் குருநாத் மெய்யப்பன் ஸ்பாட் பிக்ஸிங் புகாரின் பேரில் கைதாகியுள்ளார். இதனால் சீனிவாசனுக்கு நெருக்கடி அதிகரித்துள்ளது. இந்தநிலையில் சீனி கையால் கோப்பையைப் பெற சச்சின் தயங்கியிருக்கலாம் என்று கூறுகிறார்கள்.
சீனிவாசன் கோப்பையைக் கொடுத்தபோது அதை கேப்டன் ரோஹித் சர்மா வாங்கினார். அவருக்கு அருகில் ரிக்கி பான்டிங் இருந்தார். சற்று தள்ளித்தான் சச்சின் இருந்தார். சீனிவாசன் கோப்பையைக் கொடுத்தபோது ஹர்பஜன் சிங் கூட சச்சினை பிடித்து இந்தப் பக்கம் வருமாறு இழுத்தார். ஆனால் சச்சின் வர தயங்கியது வீடியோவில் நன்றாக தெரிகிறது. ஆனால் அதற்குள் கோப்பையை ரோஹித் சர்மா வாங்கியிருந்தார்.

கோப்பையை கொடுத்த பின்னர் சீனிவாசன் அமைதியாக மேடையை விட்டு இறங்கிப் போனார்.


சச்சின் வேண்டும் என்றே சீனிவாசனைத் தவிர்த்தாரா அல்லது தற்செயலாக அது நடந்ததா என்பது தெரியவில்லை.

ஸ்ரீசாந்த், சவான் சூதாட்ட புகாரில் ஈடுபட்டதற்கான வீடியோ ஆதாரம் சிக்கியது

ஸ்ரீசாந்த், சவான் சூதாட்ட புகாரில் ஈடுபட்டதற்கான வீடியோ ஆதாரம் சிக்கியது


சண்டிகார்:

கடந்த 9-ம் தேதி அன்று மொஹாலியில் நடைபெற்ற ஐ.பி.எல். கிரிக்கெட் போட்டியில் கிங்ஸ் 11 பஞ்சாப் அணியை ராஜஸ்தான் ராயல்ஸ் அணியினர் 8 விக்கெட் வித்தியாசத்தில் வெற்றனர். 

பின்னர் இரு அணி வீரர்களும் சண்டிகாரில் உள்ள 5 நட்சத்திர ஹோட்டலில் தங்கினர். அங்கு இரவு முழுவதும் தூங்காமல் ராஜஸ்தான் ராயல்ஸ் அணி வீரர்கள் ஸ்ரீசாந்தும், அங்கீட் சவானும் தனது அறைக்கு வெளியே உலாவிக்கொண்டிருந்த காட்சிகள் ரகசியக்கேமிராக்களில் பதிவாகியுள்ளது. 

பின்னர் அவர்கள் கிரிக்கெட் சூதாட்ட தரகர் ஜிஜு ஜனார்த்தனை சந்தித்ததாகவும், அப்போது சில பார்சல்களை பகிர்ந்துகொண்டதாகவும் கூறப்படுகிறது. மேலும் அவர்களுடன் இரு அழகிகள் அனுப்பிவைக்கப்பட்டனர் என்றும் கூறப்படுகிறது. 

இதனால், மேலும் இவர்கள் தங்கியிருந்த ஹோட்டல்களில் இதுபோன்று சதிவேளைகளில் ஈடுபட்டதற்கான ஆதரங்கள் சிக்குகின்றனவா என போலீசார் தீவிர விசாரணை மேற்கொண்டுள்ளனர்.

ஐ.பி.எல். போட்டியிலிருந்து சச்சின் ஓய்வு

ஐ.பி.எல். போட்டியிலிருந்து சச்சின் ஓய்வு



கொல்கத்தா:

6-வது ஐ.பி.எல். கிரிக்கெட் போட்டியின் இறுதிப்போட்டி நேற்று கொல்கத்தாவில் சென்னை சூப்பர் கிங்ஸ் அணிக்கும், மும்பை இந்தியன்ஸ் அணிக்கும் இடையே நடைபெற்றது. இதில் மும்பை இந்தியன்ஸ் அணி 23 ரன்கள் வித்தியாசத்தில் வெற்றிபெற்று முதலாவது சாம்பியன்ஸ் கோப்பையை கைப்பற்றியது. 

இந்த வெற்றியை அடுத்து மும்பை இந்தியன்ஸ் அணியின் சார்பில் விளையாடிய சச்சின் தெண்டுல்கர் ஐ.பி.எல். விளையாட்டிலிருந்து ஓய்வு பெறுவதாக அறிவித்தார். 

இதுகுறித்து சச்சின் தெண்டுல்கர் கூறியதாவது:- 

உலகக்கோப்பையை பெறுவதற்கு நான் 21 ஆண்டுகள் காத்திருக்கவேண்டியிருந்தது. ஆனால், இந்த ஐ.பி.எல். கோப்பையை பெற நான் 6 ஆண்டுகள் காத்திருக்க வேண்டியிருந்தது. 

எனவே இந்த நல்ல தருணத்தில் ஐ.பி.எல். கிரிக்கெட் போட்டியில் இருந்து விலகுகிறேன். இனி அடுத்த ஐ.பி.எல். கிரிக்கெட்டில் நான் விளையாட மாட்டேன். 

இவ்வாறு சச்சின் கூறினார்.

ஐபிஎல் பைனல் சென்னையை வீழ்த்தியது மும்பை

ஐபிஎல் பைனல்
சென்னையை வீழ்த்தியது மும்பை


கொல்கத்தா: சூப்பர் கிங்ஸ் அணியுடனான ஐபிஎல் டி20 இறுதிப் போட்டியில், மும்பை இந்தியன்ஸ் அணி 23 ரன் வித்தியாசத்தில் வென்றது. கொல்கத்தாவில் நேற்று இரவு நடந்த இப்போட்டியில், டாசில் வென்ற மும்பை முதலில் பேட் செய்தது. தொடக்க வீரர்களாக ஸ்மித், தாரே களமிறங்கினர். மோகித் வீசிய முதல் ஓவரில் அதிரடி வீரர் ஸ்மித் வெறும் 4 ரன் மட்டுமே எடுத்து வெளியேற மும்பை அணிக்கு அதிர்ச்சி தொடக்கமாக அமைந்தது. அடுத்து மார்க்கெல் வீசிய 2வது ஓவரின் முதல் பந்தில் தாரே டக் அவுட் ஆனார். கேப்டன் ரோகித் 2 ரன் எடுத்த நிலையில், மார்க்கெல் வேகத்தில் அவரிடமே கேட்ச் கொடுத்து பெவிலியன் திரும்பினார். மும்பை 3.2 ஓவரில் 16 ரன்னுக்கு 3 விக்கெட் பறிகொடுத்து பரிதவித்தது. கார்த்திக் 21 ரன் எடுத்து கிறிஸ் மோரிஸ் பந்துவீச்சில் கிளீன் போல்டாகி ஆட்டமிழந்தார். அடுத்து ராயுடுவுடன் அதிரடி வீரர் போலார்டு ஜோடி சேர்ந்தார். இந்த ஜோடி 5வது விக்கெட்டுக்கு கடுமையாகப் போராடி 48 ரன் சேர்த்தது. ராயுடு 37 ரன் எடுத்து (36 பந்து, 4 பவுண்டரி) பிராவோ வேகத்தில் வெளியேறினார். அடுத்து வந்த ஹர்பஜன் 14 ரன் எடுத்து பிராவோ பந்துவீச்சில் ஹஸி வசம் பிடிபட்டார். ரிஷி தவான் 3 ரன் எடுத்து ரன் அவுட் ஆனார். ஒரு முனையில் விக்கெட் சரிந்தாலும், உறுதியுடன் விளையாடிய போலார்டு ரன் வேகத்தை அதிகரிக்கப் போராடினார். பிராவோ வீசிய கடைசி ஓவரில் ஜான்சன் (1), மலிங்கா (0) இருவரும் விக்கெட் கீப்பர் டோனியிடம் கேட்ச் கொடுத்து ஆட்டமிழந்தனர். போலார்டு அமர்க்களமாக ஒரு சிக்சர் விளாசி அரை சதத்தை பூர்த்தி செய்தார். கடைசி பந்தையும் அவர் சிக்சருக்கு தூக்கி அசத்தினார். மும்பை இந்தியன்ஸ் 20 ஓவரில் 9 விக்கெட் இழப்புக்கு 148 ரன் எடுத்தது. போலார்டு 60 ரன் (32 பந்து, 7 பவுண்டரி, 3 சிக்சர்), ஓஜா ஒரு ரன்னுடன் ஆட்டமிழக்காமல் இருந்தனர். அடுத்து 149 ரன் எடுத்தால் வெற்றி என்ற இலக்குடன் சென்னை அணி களமிறங்கியது.

ஹஸி, விஜய் இருவரும் துரத்தலை தொடங்கினர். மலிங்கா வீசிய முதல் ஓவரிலேயே ஹஸி (1 ரன்) கிளீன் போல்டானார். அடுத்து வந்த ரெய்னா, பத்ரிநாத் இருவரும் டக் அவுட் ஆகி வெளியேறினர். சென்னை 3 ரன்னுக்கு 3 விக்கெட் இழந்து திணறியது. விஜய் , பிராவோ ஜோடி 4வது விக்கெட்டுக்கு 33 ரன் சேர்த்தது. பிராவோ 15 ரன் எடுக்க, ஜடேஜா டக் அவுட் ஆகி ஏமாற்றினார். விஜய் 18 ரன் எடுத்து ஜான்சன் வேகத்தில் ரோகித் வசம் பிடிபட, சென்னைக்கு பின்னடைவாக அமைந்தது. அந்த அணி 39 ரன்னுக்கு 6 விக்கெட் பறிகொடுத்தது. மார்க்கெல் 10 ரன், மோரிஸ் டக் அவுட் ஆகி பெவிலியன் திரும்பினர். கேப்டன் டோனி மட்டும் ஒரு முனையில் போராடினார். டோனி , அஷ்வின் ஜோடி 9வது விக்கெட்டுக்கு 41 ரன் சேர்த்தது. அஷ்வின் 9 ரன் எடுத்து வெளியேறினார். கடைசி 2 ஓவரில் சென்னை வெற்றிக்கு 50 ரன் தேவைப்பட்டது. மலிங்கா வீசிய 49வது ஓவரில் 8 ரன் மட்டுமே கிடைத்தது. போலார்டு வீசிய கடைசி ஓவரில் டோனி சிக்சர் விளாசி அரை சதம் கடந்தார். சென்னை 20 ஓவரில் 9 விக்கெட் இழப்புக்கு 125 ரன் எடுத்து 23 ரன் வித்தியாசத்தில் தோற்றது. டோனி 63 ரன் (45 பந்து, 3 பவுண்டரி, 5 சிக்சர்), மோகித் (0) ஆட்டமிழக்காமல் இருந்தனர். மும்பை பந்துவீச்சில் மலிங்கா, ஜான்சன், ஹர்பஜன் தலா 2, போலார்டு, ஓஜா, தவான் தலா ஒரு விக்கெட் வீழ்த்தினர். சென்னை அணி கேப்டன் டோனி மற்றும் தனி வீரராக போராட மற்ற வீரர்கள் சொற்ப ரன்னில் ஆட்டம் இழந்து, மூன்றாவது முறையாக கோப்பையை கைப்பற்றும் வாய்ப்பை வீணடித்தனர். ஐபிஎல் தொடரில் முதல் முறையாக சாம்பியன் பட்டம் வென¢ற மும்பை அணி வீரர்கள், ஈடன் கார்டன் மைதானத்தை உற்சாகமாக வலம் வந்து ரசிகர்களின் வாழ்த்துக்களை ஏற்றனர். இந்த தொடருடன் ஐபிஎல் போட்டிகளிலிருந்து ஓய்வு பெறுவதாக மும்பை வீரர் சச்சின் அறிவித்தார்.

Sunday, May 26, 2013

ஸ்ரீசாந்துடன் ரூ.4.5 லட்சத்திற்கு நகைகளை வாங்கிய கெய்ல்

ஐபிஎல் சூதாட்டத்தில் தொடர்பு? : 
ஸ்ரீசாந்துடன் ரூ.4.5 லட்சத்திற்கு நகைகளை வாங்கிய கெய்ல்



ஐபிஎல் ஸ்பாட் பிக்சிங் சூதாட்டம் தொடர்பாக கைது செய்யப்பட்டு சிறையில் அடைக்கப்பட்டுள்ள ஸ்ரீசாந்திடம் போலீசார் நடத்திய விசாரணையில் பல திடுக்கிடும் தகவல்கள் வெளிவந்த வண்ணம் உள்ளது. தன்னுடன் சூதாட்டத்தில் ஈடுபட்ட 4 முக்கிய வீரர்களின் பெயரை அவர் தெரிவித்திருப்பதாக கூறப்படுகிறது. அவர்களில் பெங்களூர் அணியின் அதிரடி வீரர் கெய்ல் பெயர் இடம் பெற்றுள்ளதாக தற்போது தகவல்கள் வெளியாகியுள்ளது. 

                         ஜெய்ப்பூரில் உள்ள பிரபல நகைக்கடைக்கு ஸ்ரீசாந்துடன் சென்ற கெய்ல் கடை உரிமையாளரை சந்தித்து ரூ.4.50 லட்சம் மதிப்பிலான தங்க நகைகளை வாங்கியதாக கூறப்படுகிறது. இந்த நகைக்கான பில்லை ஸ்ரீசாந்தின் நண்பரும் சூதாட்ட தரகராக செயல்பட்ட ஜிஜூ ஜனார்த்தன் செலுத்தியதும் கண்டுபிடிக்கப்பட்டுள்ளது. இந்த தகவல்கள் வெளியான நிலையில் நகைக்கடையின் உரிமையாளர்கள் தலைமறைவாகி விட்டதாகவும் கூறப்படுகிறது. இதுதொடர்பாக போலீசார் விசாரணையை தீவிரப்படுத்தியுள்ளனர்.

ஐபிஎல் சூதாட்டம்: உண்மையை ஒப்புக் கொண்டாரா குருநாத்?

ஐபிஎல் சூதாட்டம்: உண்மையை ஒப்புக் கொண்டாரா குருநாத்?


சூதாட்டப் புகாரில் கைது செய்யப்பட்டுள்ள குருநாத் மெய்யப்பன், மும்பை காவல்துறையின் விசாரணைக்கு ஒத்துழைக்க மறுப்பதாக தகவல் வெளியாகயுள்ளது. இதன் காரணமாக, மெய்யப்பனையும், அவர் சிக்குவதற்கு காரணமாக இருந்த ஹிந்தி நடிகர் வின்டு தாராசிங்கையும் ஒரே இடத்தில் வைத்து விசாரணை நடத்த காவல்துறையினர் முடிவு செய்துள்ளனர்.

கிரிக்கெட் சூதாட்டம் தொடர்பாக, மும்பை காவல்துறையினரால் கைது செய்யப்பட்ட சென்னை சூப்பர் கிங்ஸ் அணியில் கவுரவ உறுப்பினர் குருநாத் மெய்யப்பன், நேற்று நீதிமன்றத்தில் ஆஜர்படுத்தப்பட்டார். அவரை வரும் 29 ந் தேதி வரை போலீஸ் காவலில் எடுத்து விசாரிக்க நீதிபதிகள் அனுமதி வழங்கினர்.

முன்னதாக, மெய்யப்பனிடம் காவல்துறையினர் நடத்திய விசாரணையில், இந்தி நடிகர் வின்டு தாராசிங்குடன் இணைந்து கிரிக்கெட் சூதாட்டத்தில் ஈடுபட்டதை அவர் ஒப்புக்கொண்டதாக கூறப்படுகிறது.

எனினும், கிரிக்கெட் சூதாட்டம் தொடர்பான பெரும்பாலான கேள்விகளுக்கு பதில் அளிக்காமல் மெய்யப்பன் மவுனம் காத்ததாக கூறப்படுகிறது. விசாரணைக்கு போதிய ஒத்துழைப்பு வழங்காததால், மெய்யப்பனையும், அவர் சிக்குவதற்கு காரணமாக இருந்த, இந்தி நடிகர் வின்டு தாராசிங்கையும் ஒரே இடத்தில் வைத்து விசாரிக்க காவல்துறையினர் முடிவு செய்துள்ளனர்.

விசாரணைக்கு ஒத்துழைக்க மெய்யப்பன் மறுப்பதால், விசாரணை முறையில் மாற்றம் செய்யவும் காவல்துறையினர் முடிவு செய்துள்ளதாக தகவல்கள் வெளியாகியுள்ளன. இதனிடையே, குருநாத் மெய்யப்பன் காவல்துறையிடம் சிக்கிய விவகாரம், சென்னை சூப்பர் கிங்ஸ் அணியின் உரிமையாளர் சீனிவாசனின் பதவிக்கு நெருக்கடியை உருவாக்கியுள்ளது. அவர் பதவி விலக வேண்டும் என்ற கோரிக்கை வலுத்து வரும் நிலையில், அதனை நிராகரித்துள்ளார் சீனிவாசன்.

இதுதவிர, கொல்கத்தாவில் இன்றைய இறுதிப் போட்டியில் வெற்றிபெறும் அணிக்கு தமது கையால் வெற்றிக்கோப்பை வழங்க வேண்டும் என்பதிலும் ஸ்ரீநிவாசன் பிடிவாதமாக இருப்பதாக கூறப்படுகிறது.

ஆனால், கிரிக்கெட் வாரிய நிர்வாகக் குழுவில் இடம்பெற்றுள்ள மூன்றில் இரு பங்கு உறுப்பினர்கள் ஸ்ரீநிவாசனை நீக்க வேண்டும் என்பதில் உறுதியாக உள்ளனர். நம்பகத்தன்மையை இழந்துவிட்ட ஸ்ரீநிவாசன், உடனடியாக பதவி விலக வேண்டும் என அரசியல் மட்டத்தில் இருந்தும் அவரை நோக்கி, கண்டனக் கணைகள் பறந்தவண்ணம் உள்ளன.

வலுக்கும் எதிர்ப்பு காரணமாக, இன்றைய இறுதிப் போட்டி முடிந்த பின்னர், பிசிசிஐ தலைவர் பதவியில் இருந்து ஸ்ரீநிவாசனை நீக்குவது குறித்து முடிவு எடுக்கப்படலாம் என தெரிகிறது. ஒருவேளை ஸ்ரீநிவாசன் நீக்கப்பட்டால், அவருக்குப் பதிலாக பிசிசிஐ முன்னாள் தலைவர் சஷாங்க் மனோகர் இடைக்கால தலைவராக பொறுப்பேற்பார் என்றும் கூறப்படுகிறது.

ஐபிஎல் சூதாட்டம் காரணமாக, கடந்த சில தினங்களாக தொடரும் திடீர் திருப்பங்கள், அடுத்தடுத்த தினங்களிலும் தொடரும் என எதிர்பார்க்கப்படுகிறது.

ஐபிஎல் 6வது சீசன் சாம்பியன் யார்? சூப்பர் கிங்ஸ் , மும்பை இந்தியன்ஸ் மோதல்

ஐபிஎல் 6வது சீசன் சாம்பியன் யார்?
சூப்பர் கிங்ஸ் , மும்பை இந்தியன்ஸ் கொல்கத்தாவில் இன்று மோதல்


கொல்கத்தா : ஐபிஎல் டி20 தொடர் 6வது சீசனின் சாம்பியன் யார் என்பதைத் தீர்மானிக்கும் இறுதிப் போட்டியில், சென்னை சூப்பர் கிங்ஸ் , மும்பை இந்தியன்ஸ் அணிகள் இன்று மோதுகின்றன. கொலகத்தா, ஈடன் கார்டன் மைதானத்தில் நடக்கவுள்ள இப்போட்டி, இரவு 8.00 மணிக்கு தொடங்குகிறது. நடப்பு ஐபிஎல் தொடர் கடந்த மாதம் 3ம் தேதி தொடங்கி நடந்து வருகிறது. மொத்தம் 9 அணிகள் தங்களுக்குள் தலா 2 முறை லீக் சுற்றில் மோதின. இதன் முடிவில் முதல் 4 இடங்களைப் பிடித்த சென்னை, மும்பை, ராஜஸ்தான், ஐதாராபாத் அணிகள் பிளே ஆப் சுற்றுக்கு தகுதி பெற்றன.

சென்னை , மும்பை அணிகளிடையே நடந்த குவாலிபயர் 1 ஆட்டத்தில் வென்ற சென்னை அணி பைனலுக்கு முன்னேறியது. அடுத்து நடந்த எலிமினேட்டர் ஆட்டத்தில் ராஜஸ்தான் அணி ஐதராபாத்தை வென்று அரை இறுதிக்கு தகுதி பெற்றது.  கொல்கத்தாவில் நேற்று முன்தினம் இரவு நடந்த அரை இறுதியில் (குவாலிபயர் 2) ராஜஸ்தான் ராயல்ஸ் , மும்பை இந்தியன்ஸ் அணிகள் மோதின. முதலில் பேட் செய்த ராயல்ஸ் 20 ஓவரில் 6 விக்கெட் இழப்புக்கு 165 ரன் குவித்தது. கேப்டன் டிராவிட் அதிகபட்சமாக 43 ரன் எடுத்தார். அடுத்து களமிறங்கிய மும்பை அணி 19.5 ஓவரில் 6 விக்கெட் இழப்புக்கு 169 ரன் எடுத்து வென்று பைனலுக்கு முன்னேறியது. ஸ்மித் 62, தாரே 35, கார்த்திக் 22 ரன் விளாசினர். 

இந்த நிலையில், ஐபிஎல் 6வது சீசனின் சாம்பியன் யார் என்பதை தீர்மானிக்கும் இறுதிப் போட்டியில் டோனி தலைமையிலான சென்னை சூப்பர் கிங்ஸ் அணியுடன் ரோகித் ஷர்மா தலைமையிலான மும்பை இந்தியன்ஸ் இன்று மோதுகிறது. மும்பை அணி முதல் முறையாக சாம்பியன் பட்டம் வெல்லும் முனைப்புடன் களமிறங்கும் நிலையில், சென்னை அணி 5வது முறையாக இறுதிப் போட்டிக்கு (தொடர்ச்சியாக 4 முறை) முன்னேறியுள்ளதுடன் ஏற்கனவே 2 முறை கோப்பை வென்றுள்ளது குறிப்பிடத்தக்கது. 
ஸ்பாட் பிக்சிங் சர்ச்சை சிஎஸ்கே அணிக்கு சற்று பின்னடைவை ஏற்படுத்தி இருந்தாலும், வலுவான பேட்டிங் வரிசை தெம்பளிப்பதாக உள்ளது. மும்பை அணியில் சச்சின் காயம் காரணமாக அவதிப்பட்டு வரும் நிலையில், அவருக்கு பதிலாக விளையாடி வரும் தொடக்க வீரர் ஆதித்யா தாரே அமர்க்களமாக விளையாடி வருகிறார்.

ஸ்மித்தின் அதிரடி ஆட்டம் மிரட்டலாக உள்ளது. கார்த்திக், கேப்டன் ரோகித், போலார்டு என்ற மும்பை பேட்டிங் வரிசையும் ஈடுகொடுப்பதால், பைனலில் அனல் பறக்கும் என எதிர்பார்க்கலாம்.சென்னை சூப்பர் கிங்ஸ்: டோனி (கேப்டன்), மைக்கேல் ஹஸி, முரளி விஜய், ரெய்னா, ஜடேஜா, பத்ரிநாத், அல்பி மார்க்கெல், அஷ்வின், வேய்ன் பிராவோ, ஜேசன் ஹோல்டர், கிறிஸ் மோரிஸ், விருத்திமான் சாஹா, மோஹித் ஷர்மா, பாபா அபராஜித், தனஞ்ஜெயா, ஹில்பென்ஹாஸ், கார்த்திகேயன், லாஹ்ப்லின், அங்கித் ராஜ்புத், விஜய் ஷங்கர், அனிருதா ஸ்ரீகாந்த், டுபிளெஸ்சிஸ், இம்தியாஸ் அகமது, ஷதாப் ஜகாதி, குலசேகரா, ரோனித் மோரே.

மும்பை இந்தியன்ஸ்: ரோகித் ஷர்மா (கேப்டன்), வேய்ன் ஸ்மித், ஆதித்யா தாரே, சச்சின், தினேஷ் கார்த்திக் (கீப்பர்), போலார்டு, அம்பாதி ராயுடு, ரிஷி தவான், ஹர்பஜன், மிட்செல் ஜான்சன், லசித் மலிங்கா, தவால் குல்கர்னி, சுஷாந்த் மராதே, பிரக்யான் ஓஜா, அக்ஷர் பட்டேல், ஜலஜ் சக்சேனா,  சூரியகுமார் யாதவ், அபு நேச்சிம், அய்டன் பிளிஸார்டு, கோல்ட்டர் நைல், ஜேம்ஸ் பிராங்க்ளின், பிலிப் ஹியூஸ், கிளென் மேக்ஸ்வெல், ஜேக்கப் ஓரம், முனாப் பட்டேல், அமிடோஸ் சிங், யஜ்வேந்திர சாகல், பவான் சுயல், ரிக்கி பான்டிங்.

Saturday, May 25, 2013

ராயல்சேலஞ்சர்ஸ் பெங்களூர் புயலை நெருங்கும் ஐபிஎல் பிக்ஸிங் புயல்

ராயல்சேலஞ்சர்ஸ் பெங்களூர் புயலை நெருங்கும் ஐபிஎல் பிக்ஸிங் புயல்


பெங்களூர்: நாட்டை உலுக்கி எடுத்து வரும் ஐபிஎல் பிக்ஸிங் விவகாரத்தில் ராயல் சேலஞ்சர்ஸ் பெங்களூர் அணியின் புயலாக வர்ணிக்கப்படும் கிறிஸ் கெய்ல் பெயரும் அடிபடுகிறது.

பிக்ஸிங் விவகாரத்தில் ராஜஸ்தான் ராயல்ஸ் அணியின் 3 வீரர்கள் சிறைக்குப் போனார்கள். பிறகு நாட்டின் பல நகரங்களிலும் பல புக்கிகள் தொடர்ந்தும் சிக்கி வருகின்றனர். பாலிவுட் நடிகர் வின்துவும் சிக்கப் போய் இப்போ சென்னை சூப்பர் கிங்ஸ் அணியின் நிர்வாகி குருநாத் மெய்யப்பன் சிறைக்குப் போயிருக்கிறார். அத்துடன் கிங்ஸ்லெவன் பஞ்சாப் அணியின் 8 வீரர்கள் சிக்கப் போவதாக செய்திகள் வெளியாகி இருக்கின்றன.
இந்த நிலையில் ராயல்ஸ் சேலஞ்சர்ஸ் பெங்களூர் அணியின் வீரர் கிறிஸ் கெய்ல் பெயரும் பிக்ஸிங் விவகாரத்தில் அடிபடுகிறது. புக்கிகளான பவன் மற்றும் சஞ்சய் ஆகியோரிடம் 4.5 லட்சம் ரூபாய் மதிப்பிலான தங்க நகைகளை கெய்ல் பரிசாக பெற்றதாக கூறப்படுகிறது. ஜெய்ப்பூரில் ஸ்ரீசாந்த் அறையில் கெய்ல் இருந்ததாகவும் தகவல்கள் வெளியாகி உள்ளன. கெய்ல்க்கு கொடுக்கப்பட்ட தங்க நகைகளுக்கு ஸ்ரீசாந்தின் நண்பர் ஜிஜுதான் பணம் கொடுத்துள்ளார். ஜிஜுவும் இப்போது சிறையில் இருக்கிறார். பவனும் சஞ்சய்யும் தலைமறைவாகிவிட்டனர். இது எந்த மேட்ச்சுக்கான பிக்ஸிங் என்பது தெரியவில்லை...

பைனலில் நுழைந்தது மும்பை

பைனலில் நுழைந்தது மும்பை



கொல்கத்தா: மும்பை இந்தியன்ஸ் அணியுடனான அரை இறுதியில் (குவாலிபயர் 2) ராஜஸ்தான் ராயல்ஸ் அணியை 4 விக்கெட் வித்தியாசத்தில் வீழ்த்தி மும்பை இந்தியன்ஸ் அணி பைனலில் நுழைந்தது. ஐபிஎல் டி20 தொடர் 6வது சீசனின் பிளே ஆப் சுற்றில், சென்னை சூப்பர் கிங்ஸ் , மும்பை இந்தியன்ஸ் அணிகளிடையே நடந்த குவாலிபயர் 1 ஆட்டத்தில் அபாரமாக வென்ற சென்னை அணி நேரடியாக பைனலுக்கு முன்னேறியது. 

அடுத்து ராஜஸ்தான் , ஐதராபாத் அணிகள் மோதிய எலிமினேட்டர் ஆட்டத்தில் ராஜஸ்தான் அணி வெற்றி பெற்று அரை இறுதிக்கு (குவாலிபயர் 2) தகுதி பெற்றது. இந்த நிலையில், மும்பை இந்தியன்ஸ் , ராஜஸ்தான் ராயல்ஸ் அணிகள் மோதிய குவாலிபயர் 2 ஆட்டம், கொல்கத்தா ஈடன் கார்டன் மைதானத்தில் நேற்று இரவு நடந்தது. மாலையில் திடீரென மழை கொட்டியதால் மைதானம் ஈரமானதை அடுத்து, போட்டி தொடங்குவதில் தாமதம் ஏற்பட்டது. சுமார் ஒரு மணி நேரம் தாமதமாகத் தொடங்கிய இப்போட்டியில், டாஸ் வென்ற ராஜஸ்தான் ராயல்ஸ் அணி முதலில் பேட் செய்தது. அந்த அணியில் மாற்றம் ஏதும் செய்யப்படவில்லை. மும்பை இந்தியன்ஸ் அணியில் முனாப் பட்டேலுக்கு பதிலாக ரிஷி தவான் சேர்க்கப்பட்டார். காயம் காரணமாக சச்சின் இந்த போட்டியிலும் விளையாடவில்லை. வேகப் பந்துவீச்சாளர் தவால் குல்கர்னியும் காயம் காரணமாக விளையாடவில்லை. ராஜஸ்தான் தொடக்க வீரர்களாக கேப்டன் ராகுல் டிராவிட், அஜிங்க்யா ரகானே களமிறங்கினர். பொறுப்புடன் விளையாடிய இந்த ஜோடி சிறப்பான தொடக்கத்தை கொடுத்தது. இவர்களைப் பிரிக்க முடியாமல் மும்பை இந்தியன்ஸ் பந்துவீச்சாளர்கள் திணறினர். இருவரும் முதல் விக்கெட்டுக்கு 44 ரன் சேர்த்தனர். 21 ரன் எடுத்திருந்த நிலையில், ஹர்பஜன் பந்தில் ரகானே போல்டானார். ஆனால், வாட்சன் 6 ரன்னிலும், சாம்சன் ரன் எதுவும் எடுக்காமலும் அவுட் ஆனார்கள். நன்றாக விளையாடிக் கொண்டிருந்த டிராவிட் 43 ரன்னில் விக்கெட்டை பறிகொடுத்தார். பின்வரிசை வீரர்களில் யாக்னிக் சிறப்பாக விளையாடி 31 ரன் எடுத்தார். இறுதியில் இந்த அணி நிர்ணயிக்கப்பட்ட 20 ஓவரில் 6 விக்கெட் இழப்புக்கு 165 ரன் எடுத்தது. இதைத் தொடர்ந்து 166 ரன் எடுத்தால் வெற்றி என்ற இலக்குடன் மும்பை இந்தியன்ஸ் அணி களம் இறங்கியது. தொடக்க வீரர்கள் ஸ்மித், தாரே சிறப்பாக விளையாடி முதல் விக்கெட்டுக்கு 70 ரன்னை சேர்த்தனர். தாரே 35 ரன்னில் வெளியேற, அடுத்து களம் இறங்கிய கார்த்திக் 27 ரன் சேர்த்து வெளியேறினார். சர்மா வெறும் 2 ரன்னில் திரிவேதி பந்தில் போல்டானார். ஸ்மித் 62 ரன் சேர்த்திருந்த நிலையில், பின்னியின் பந்தை, சாம்சன்னிடம் கேட்ச் கொடுத்து வெளியேறினார். பின்னால் வந்த வீரர்கள் பந்துகளை வீணடிக்காமல் சில ரன்களை அடித்ததும் அணிக்கு உதவியாக இருந்தது. இறுதியில் 19.5 ஓவரிலேயே மும்பை அணி 6 விக்கெட் இழப்புக்கு 169 ரன் எடுத்து வெற்றி பெற்றது. நாளை நடைபெறும் இறுதிப்போட்டியில், சென்னை சூப்பர் கிங்ஸ் அணியுடன், மும்பை இந்தியன்ஸ் அணி மோத உள்ளது.

ஸ்ரீசாந்த் வீசிய பந்தில் கிளீன் போல்ட் ஆன நடிகைகள்

ஸ்ரீசாந்த் வீசிய பந்தில் கிளீன் போல்ட் ஆன நடிகைகள்
   

கிரிக்கெட் வீரர்களுக்கு எப்போதுமே ஒரு கிரேஸ் இருக்கும். சினிமா நடிகர்களும், நடிகைகளுமே அவர்களுக்கு ரசிகர்களாகிவிடுவார்கள். அந்த புகழைவைத்து நடிகைகளுடன் நட்பு பாராட்டுவார்கள் கிரிக்கெட் வீரர்கள்.

சிலர் நட்போடு நிறுத்திவிடுவார்கள். சிலர் திருமணம் வரை போய் குடும்பம், குழந்தை என்று செட்டில் ஆகிவிடுவார்கள். வேகப்பந்து வீச்சாளர் ஸ்ரீசாந்த் இதில் வேறொரு ரகம்.

விளம்பரம், ரியாலிட்டி ஷோ என உடன் நடித்த நடிகைகள் அனைவருடனும் ரொமான்ஸ் செய்துள்ளதாக தகவல்கள் வெளியாகியுள்ளன. இதில் நடிகைகளுக்கு இடையே குடிமிப்பிடி சண்டையே நடந்துள்ளதாம்.


லட்சுமி ராய்

இவர் கேப்டன் டோணியுடன் கிசுகிசுக்கப்பட்டவர். பின்னர் டோணிக்கு மணமான உடன் ஸ்ரீ சாந்த் நட்பு வட்டத்தில் இணைந்து விட்டார்.


நிஷா படேல்

நிஷா படேல் உடன் அதிக நெருக்கம் காட்டியவர் ஸ்ரீ சாந்த் சிசிஎல் போட்டியின் போது உடன் சுற்றிக் கொண்டிருப்பார்.


சண்டை போட்ட நடிகைகள்

ஸ்ரீசாந்த் யாருக்கு பாய்ஃபிரண்ட் என்பதில் லட்சுமி ராய்க்கும், நிஷா படேலுக்கும் கடும் சண்டையே நடந்துள்ளது. இதை மலையாள ஊடகங்கள் கவர் ஸ்டேரியே வெளியிட்டன.


ரியாலிட்டி ஷோக்களில்

டிவி ரியாலிட்டி ஷோவில் உடன் ஆடியா சுர்வீன் சாவ்லா உடன் கொஞ்ச காலம் டேட்டிங் போனார் ஸ்ரீசாந்த்.


ரீமா சென்

ரீமா சென்னுடன் ஒரு விளம்பரத்தில் ஜோடியாக நடித்தார் பரபரப்பு பற்றிக் கொண்டது.


பிரியங்கா சோப்ரா

பிரியங்கா சோப்ரா உடன் காதல், டேட்டிங் என்றும் கிசுகிசு பாலிவுட் உலகை கலக்கியது.


மினிஷா லம்பா

ஸ்ரீசாந்த் அதிக அளவில் கிசுகிசுக்கப்பட்டது மினிசா லம்பா என்ற பாலிவுட் நடிகையுடன் டேட்டிங் போனதாகத்தான்.

ஐபிஎல் பெட்டிங்: இந்திய கிரிக்கெட் கட்டுப்பாட்டு வாரியத் தலைவர் சீனிவாசனின் மருமகன் குருநாத் மும்பை போலீசால் கைது

ஐபிஎல் பெட்டிங்: இந்திய கிரிக்கெட் கட்டுப்பாட்டு வாரியத் தலைவர் சீனிவாசனின் மருமகன் குருநாத் மும்பை போலீசால் கைது


கொடைக்கானல்: ஐபிஎல் பெட்டிங்கில் ஈடுபட்டதற்காக இந்திய கிரிக்கெட் கட்டுப்பாட்டு வாரியத்தின் தலைவர் சீனிவாசனின் மருமகனான குருநாத் மெய்யப்பன் மும்பை போலீசாரால் கைது செய்யப்பட்டுள்ளார்.

ஐபிஎல் பிக்ஸிங் விவகாரத்தில் பாலிவுட் நடிகர் வின்து தாராசிங் கைது செய்யப்பட்டார். அவரது செல்போன் அழைப்புகளில் சென்னை எண் ஒன்றுக்கு பலமுறை தொடர்பு கொண்டு பேசியிருப்பது தெரியவந்தது. அந்த எண் யாருடையது? என்று மும்பை போலீசார் நடத்திய விசாரணையில் சென்னை சூப்பர் கிங்ஸ் அணியின் லைமை செயல் அதிகாரியும் இந்திய கிரிக்கெட் கட்டுப்பாட்டு வாரியத்தின் தலைவரான சீனிவாசனின் மருமகனுமான குருநாத் மெய்யப்பனின் எண் எனத் தெரியவந்தது.

திரைப்பட தயாரிப்பாளர் ஏ.வி.எம். பாலசுப்பிரமணியத்தின் மகன்தான் இந்த குருநாத் மெய்யப்பன். அவரை விசாரிப்பதற்காக மும்பை போலீசார் 4 பேர் நேற்று சென்னை வந்தனர். சென்னை போலீசார் உதவியுடன் செனடாப் சாலையில் உள்ள குருநாத் வீட்டல் போலீசார் விசரணை நடத்தினர. ஆனால் குருநாத் வீட்டில் இல்லை. இதனால் அவரது உதவியாளரிடம் குருநாத் ஆஜராக வேண்டும் என்பதற்கான சம்மன் கொடுக்கப்பட்டது.

கால அவகாசம் நிராகரிப்பு

இதைத் தொடர்ந்து தாம் வெளியூரில் குடும்பத்தினருடன் இருப்பதால் ஆஜராக கால அவகாசம் வேண்டும் என்று அவர் கோரியிருந்தார். ஆனால் அவரது கோரிக்கையை மும்பை போலீஸ் நிராகரித்தது. அவர் இன்று மாலை 5 மணிக்ுள் ஆஜராகவில்லை எனில் அவருக்ு எதிராக கைது வாரண்ட் பிறப்பிக்கப்படும் என்றும் மும்பை போலீஸ் வட்டாரங்கள் தெரிவித்திருந்தன. இதனால் அவர் இன்று ஆஜராக வேண்டிய கட்டாயம் ஏற்பட்டது

கொடைக்கானல்- மும்பை பயணம்

அவர் தமது மாமனார் சீனிவாசனுடன் கொடைக்கானலில் தங்கியிருக்கலாம் என்று தகவல்கள் வெளியானது. இந்நிலையில் அவர் கொடைக்கானலில் தமது மாமனார் சீனிவாசனுடன் இருந்தது உறதி செய்யப்பட்டது. அவர் அங்கிருந்து மதுரைக்கு காரில் சென்று பின்னர் விமானம் மூலம் மும்பை சென்றார். மாலை 5 மணிக்குள் ஆஜராக வேண்டும் என்றுபோலீசார் கூறியிருந்தார். இருப்பினும் மாலை 5 மணி விமானத்தில்தான் கிளம்பினார். இதனால் இரவு 7 மணிக்குத்தான் குருநாத் மெய்யப்பன் மும்பை சென்றடைந்தார். பின்னர் ஒரு மணி நேரம் கழித்து மும்பை விமான நிலையத்தில் இருந்து அவர் போலீசாரால் விசாரணைக்கு அழைத்துச் செல்லப்பட்டார.

குருநாத் கைது

சில மணி நேர விசாரணைக்குப் பின்னர் குருநாத் கைது ஐபிஎல் பெட்டிங்கில் ஈடுபட்டதற்காக குருநாத் கைது செய்யப்பட்டதாக மும்பை போலீசார் அறிவித்தனர். இது தொடர்பாக செய்தியாளர்களிடம் பேசிய மும்பை கிரைம் பிரிவு இணை கமிஷனர் ஹிமன்சு ராய், எங்களுக்குக் கிடைத்த தகவலின் அடிப்படையில் குருநாத்திடம் விசாரணை நடத்தினோம். ஐபிஎல் பெட்டிங்கில் அவர் ஈடுபட்டது உறுதி ெய்யபட்டது. இதைத் தொடர்ந்து அவரை கைது செய்திருக்கிறோம் என்று அவர் செய்தியாளர்களிடம் கூறினார்.

Friday, May 24, 2013

விண்டு சிங் : 3 சென்னை சூப்பர் கிங்ஸ் வீரர்களுக்கு பிக்ஸிங்கில் தொடர்பு

விண்டு சிங் : 3 சென்னை சூப்பர் கிங்ஸ் வீரர்களுக்கு பிக்ஸிங்கில் தொடர்பு


மும்பை: ஸ்பாட் பிக்ஸிங் விவகாரத்தில் சென்னை சூப்பர் கிங்ஸ் அணியைச் சேர்ந்த மூத்த வீரர் உள்பட 3 பேருக்கு தொடர்பு உள்ளதாக போலீஸ் வசம் சிக்கியுள்ள விண்டு தாராசிங் கூறியுள்ளார். விண்டு சிங் கூறியுள்ள சென்னை சூப்பர் கிங்ஸ் வீரர்கள் யார் என்ற தகவலை மும்பை போலீஸார் வெளியிடவில்லை. விண்டு சிங் சொல்வது உண்மைதானா என்பதை பரிசோதித்து வருகின்றனர். உறுதியானதும், அந்த மூன்று வீரர்களும் கைது செய்யப்படலாம் என்று தெரிகிறது. விண்டு சிங் கூறியுள்ள 3 வீரர்களில் ஒருவர் மூ்த்த வீரர் என்றும் கூறப்படுகிறது. இதனால் கிரிக்கெட் உலகில் மேலும் பரபரப்பு கூடியுள்ளது. இதுகுறித்து மும்பை போலீஸ் இணை ஆணையர் ஹிமன்ஷு ராய் கூறுகையில், சிலரது பெயர்களை விண்டு தாராசிங் கூறியுள்ளார். அதை நாங்கள் பரிசோதித்து வருகிறோம் என்றார். மே 21ம் தேதி கைது செய்யப்பட்டார் விண்டு சிங். அவருக்கும், புக்கிகளுக்கும் நெருக்கமான தொடர்புகள் இருப்பது பின்னர் அம்பலமானது. மறைந்த பழம்பெரும் நடிகர் தாராசிங்கின் மகன்தான் இந்த விண்டு. போலீஸ் விசாரணையின்போது, சென்னை சூப்பர் கிங்ஸ் அணியின் தலைமை செயலதிகாரி குருநாத் மெய்யப்பனுக்காக தான் சூதாட்டத்தில் ஈடுபட்டதாகவும் வாக்குமூலம் அளித்துள்ளார் விண்டு என்பது குறிப்பிடத்தக்கது.

சென்னை அணி நீக்கம்? பிசிசிஐ தலைவர் சீனிவாசன் ராஜினாமா?

சென்னை அணி நீக்கம்? பிசிசிஐ தலைவர் சீனிவாசன் ராஜினாமா?


சென்னை/மும்பை: நாட்டை அதிரவைத்திருக்கும் ஐபிஎல் பிக்ஸிங் விவகாரத்தில் குருநாத்துக்கு தொடர்பு இருப்பதற்கான ஆதாரங்கள் வெளியானால் ஐபிஎல் போட்டிகளில் இருந்து சென்னை சூப்பர் கிங்ஸ் அணி நீக்கப்படக் கூடும். மேலும் குருநாத் மருமகன் என்பதால் இந்திய கிரிக்கெட் கட்டுப்பாட்டு வாரியத் தலைவர் (பிசிசிஐ) பதவியில் இருந்து சீனிவாசனும் ராஜினாமா செய்யக் கூடும் எனக் கூறப்படுகிறது.


 3 கிரிக்கெட் வீரர்கள் கைதுடன் தொடங்கிய பிக்ஸிங் புயல் நாளுக்கு நாள் வலுத்துக் கொண்டே வருகிறது. எப்பொழுது கரையைக் கடக்குமோ தெரியவில்லை.. ஆனால் ஏராளமான பெருந்தலைகளை உருட்டி விளையாடி வருகிறது. புக்கிகள், பாலிவுட் நடிகர் என விரிந்த இந்த புயல் இப்போது சென்னை, மும்பை, டெல்லி, ஹைதராபாத் என பல நகரங்களைத் தாக்கி வருகிறது. 


சென்னை சூப்பர் கிங்ஸ் அணியின் தலைமை செயல் அதிகாரியும் இந்திய கிரிக்கெட் கட்டுப்பாட்டு வாரியத்தின் தலைவர் சீனிவாசனின் மருமகனுமான குருநாத் மெய்யப்பனுக்கும் மும்பையில் கைது செய்யப்பட்ட பாலிவுட் நடிகர் வின்துவுக்கும் தொடர்பு இருப்பது தெரியவந்தது. ஐபிஎல் பெட்டிங்கில் ரூ1 கோடியை குருநாத் இழந்திருப்பதாக வின்து வாக்குமூலம் கொடுத்ததாகவும் செய்திகள் வெளியாகின. இதனால் மும்பை போலீசார் சென்னை வந்து குருநாத்தை தேடினர். ஆனால் அவர் கொடைக்கானலுக்குப் போய்விட்டார். இதனால் அவர் இன்று ஆஜராக வேண்டும் என்று சம்மன் அனுப்பப்பட்டது. 


ஆனால் குருநாத்தோ கால அவகாசம் கோரினார். இதை மும்பை போலீசார் நிராகரிக்க ஆடிப்போய் மும்பைக்கு பயணப்பட்டுவிட்டார் குருநாத். இந்த நிலையில் இந்த விவகாரம் குறித்து இந்திய கிரிக்கெட் கட்டுப்பாட்டு வாரிய மூத்த அதிகாரிகள் இன்று மும்பையில் கூடி ஆலோசனை நடத்தி இருக்கின்றனர். ஒருவேளை குருநாத்துக்கு இந்த விவகாரத்தில் தொடர்பு இருப்பது உறுதியானால் 2 நடவடிக்கைகளை இந்திய கட்டுப்பாட்டு வாரியம் மேற்கொள்ளக் கூடும். குருநாத், சென்னை சூப்பர் கிங்ஸ் அணியின் தலைமை செயல் அதிகாரி என்பதால் ஐபிஎல் போட்டிகளில் இருந்தே அந்த அணியை இந்திய கிரிக்கெட் கட்டுப்பாட்டு வாரியம் நீக்கலாம். அதேபோல் மருமகன் குருநாத் என்பதால் இந்திய கிரிக்கெட் கட்டுப்பாட்டு வாரியத் தலைவர் பொறுப்பில் இருந்து சீனிவாசனையும் ராஜினாமா செய்யக் கோரலாம் என்கிறது மும்பை வட்டாரங்கள்.. சீனிவாசன் பதவியில் இருந்து விலக வேண்டும் என்று ஏற்கெனவே அரசியல் தலைவர்கள் கோரி வருகின்றனர். 

ஆனால் பி.சி.சி.ஐ. தலைவர் பதவியில் இருந்து ராஜினாமா செய்யப் போவதில்லை என்று சீனிவாசன் தெரிவித்துள்ளார். தமது மருமகன் மீது குற்றம்சாட்டப்படும் பிக்ஸிங் நடவடிக்கைகள் பற்றி எனக்கு எதுவும் தெரியாது என்பதுதான் சீனிவாசனின் நிலைப்பாடு. இது பற்றி மத்திய விளையாட்டுத்துறை அமைச்சர் ஜிதேந்திர சிங்கிடம் கேட்டபோது, அவை தார்மீக பிரச்சினைகள். இதனால் அவர் பதவி விலகுவது பற்றி தனிப்பட்ட முறையில் அவர்களாகவே சிந்திக்க வேண்டும் என்றார்.

நடிகைகளை சப்ளை செய்த குருநாத்

நடிகைகளை சப்ளை செய்த குருநாத்


சென்னை சூப்பர் கிங்கஸ் அணியின் உரிமையாளரான சீனிவாசனின் மருமகன் குருநாத் மெய்யப்பன் பற்றி பல தகவல்கள் கசிந்து வருகின்றன.
அதில் அவர் நடிகைகளை வீரர்களுக்கு அறிமுகம் செய்த கதைகள்தான் கூடுதல் கவனத்தை கவர்ந்திருக்கிறது. சென்னை கேப்டன் தோனியை குஷிபடுத்த முதலில் டுகாட்டி என்கிற சொகுசு பைக் வாங்கிக்கொடுத்தார்.

தனிமையில் சென்னை முழுக்க டுகாட்டியில் சுற்றிக்கொண்டிருந்த கேப்டன் தோனியை பார்த்து மனம் நொந்து போய்.. அடுத்த நாள் இரவு பார்ட்டியில் லட்சுமி ராய் என்கிற நடிகையை அறிமுப்படுத்தி வைத்தார் குருநாத்.

அடுத்த நாளிலிருந்து தோனி தன் பைக்கில் லட்சுமிராயை ஏற்றிக்கொண்டு சென்னையை வலம்வந்தார். அதை கண்டு சீனுமாமாவின் மருமகன் குருநாத் ஆனந்தகண்ணீர் வடித்தார். சீனுமாமாவின் மருமகன் குருநாத் இப்படி தனிமையில் வாடுகிற கிரிக்கெட் வீரர்களுக்கு நல்ல துணைகளை அறிமுகப்படுத்திவைப்பதில் கில்லாடியாம்.

அப்படிதான் சென்னை நகரம் உறங்கும்போது தனிமையில் புலம்பிய சுரேஷ் ரெய்னாவுக்கு நடிகை ஸ்ருதிஹாசனை அறிமுகம் செய்துவைத்தாராம். அதற்கு பிறகு ரெய்னா தினமும் செஞ்சுரியாக விளாசித்தள்ளினார் என்கிறது சென்ற வார ஐபிஎல் வரலாறு. ஐபிஎல் துவங்கிய புதிதில் நடிகை நயன்தாராதான் இப்போட்டிகளுக்கு பிராண்ட் அம்பாசிடராக நியமிக்கப்பட்டிருந்தார். அவரை உள்ளே அழைத்துவந்து அம்பாசிட்டராக்கியதே குருநாத்தானாம்.

ஆனால் நயன்தாராவுடன் ஏதோ இரவு பார்ட்டி டீலிங் மேட்டரில் லடாய் ஆகிவிட.. அவர் கழட்டிவிடப்பட்டார். இப்படி நம்முடைய சென்னை அணியை வெற்றிபெற தீயாக வேலை பார்த்த சீனுமாமாவின் மருமகனும் அடுத்த வாரிசுமான குருநாத் அவர்கள் மீதுதான் இப்போது சூதாட்டகாரர்களுடன் தொடர்பு வைத்திருந்தார் என அபாண்டமான குற்றசாட்டுகள் கொடுக்கப்பட்டிருக்கிறது. இந்த வேளையில் நம்மால் முடிந்தது அவருக்காக சோகமாக விசில் அடிப்பதுதான்.. சென்னை சூப்பர் கிங்ஸுக்கு சோக விசில் அடிங்க..

மாடல் அழகி பகீர் தகவல்: ஆசாத் ராவுவை மர்ம நபர்கள் சூட்கேஸ்களுடன் ரகசிய அறையில...

மாடல் அழகி பகீர் தகவல்:
ஆசாத் ராவுவை மர்ம நபர்கள் சூட்கேஸ்களுடன் ரகசிய அறையில் சந்திப்பார்கள்



ஐபிஎல் ஸ்பாட் பிக்சிங் சூதாட்ட விவகாரத்தில் சூதாட்டகாரர்களிடம் இருந்து விலை உயர்ந்த கை கடிகாரங்கள், எலக்ட்ரானிக் பொருட்களை பாக். நடுவர் ஆசாத் ராவுப் பெற்றது போலீஸ் விசாரணையில் தெரியவந்துள்ளது. இதனால் ஆசாத் ராவுப்பிற்கு சூதாட்ட விவகாரத்தில் தொடர்பு இருக்கக்கூடுமா என போலீசார் சந்தேகம் அடைந்துள்ளனர். இதுதொடர்பாக அவர்கள் ஆசாத் ராவுப்பிடம் விசாரணை நடத்தக்கூடும் என தகவல்கள் வெளியானது. இதை தொடர்ந்து அடுத்த மாதம் லண்டனில் நடை பெற இருந்த ஐசிசி சாம்பியன்ஸ் கோப்பை தொடரில் இருந்து நடுவர் ஆசாத் ராவுப் நீக்கப்பட்டுள்ளார். 

இதற்கிடையே கடந்த ஆண்டு ஆசாத் ராவுப் மீது பாலியல் புகார் கொடுத்த இந்திய மாடல் அழகி லீனா கபூர் பரபரப்பு குற்றம் சாட்டியுள்ளார். இதுதொடர் பாக அவர் கூறியதாவது: ஆசாத் ராவுப் மீது நான் புகார் கொடுத்த போதே அவர் மீது நடவடிக்கை எடுத்திருக்கலாம். ஆனால் போலீசார் அதில் ஆர்வம் காட்டவில்லை. ஆசாத் ராவுப் பாகிஸ்தானில் அரசியல் செல்வாக்கு படைத்தவர். எனக்கு பல்வேறு நெருக்கடிகள் வந்ததால் தான் அவர் மீதான பாலியல் புகாரை வாபஸ் பெற்றேன்.

2011ல் இலங்கையில் வைத்து தான் அவருடன் எனக்கு பழக்கம் ஏற்பட் டது. அப்போது ஓட்டல் அறையில் தங்கியிருந்த போது பல்வேறு நபர்கள் ஆசாத் ராவுப்பை வந்து சந்திப்பார்கள். இந்த சந்திப்புகள் அனைத்தும் பூட்டிய தனி அறைக்குள் தான் நடக்கும். நான் அதில் இருந்து ஒதுங்கியே இருப்பேன். ஒரு சில நபர்கள் சூட்கேசுடன் வருவார்கள். அவர் களை ஆசாத் ராவுப் அரு கில் உள்ள தனி அறைக்கு அழைத்து சென்று பேசுவார் என்றார். ஐபிஎல் சூதாட்ட விவகாரம் பூதாகரமாக வெடித்துள்ள நிலையில் மாடல் அழகியின் பகீர் தகவலால் ஆசாத் ராவுப் சர்வதேச போட்டிகளிலும் சூதாட்டத்தில் ஈடுபட்டாரா? என்ற சந்தேகம் எழுந்துள்ளது.